№ 2 kópsalaly qalalyq balalar aýrýhanasynda sirek kezdesetin aýrýmen aýyratyn 7 jasar qyzǵa ota jasaldy, dep habarlaidy "Ult aqparat" elorda ákimdigine silteme jasap.
7 jasar Tomiriste eki patologiia bar: Proteia sindromy, eki aiaqtyń alyp bolýy, sondai-aq ishek tamyrlarynyń damý aqaýy.
«Proteia sindromy - óte sirek kezdesetin týa bitken aýrý, teriniń, súiekterdiń, bulshyqetterdiń, mai tinderiniń jáne qan men limfa tamyrlarynyń artyq ósýi baiqalady. Búginde álemde osyndai 200-ge jýyq jaǵdai bar. Balanyń aiaǵy úlken, dene salmaǵynyń jartysyna jetken, saýsaqtarynda sozylmaly osteomielit oshaqtary bar», - deidi aýrýhananyń ortopediia jáne ońaltý bóliminiń meńgerýshisi Aǵabek Shikinaev.
Dárigerdiń aitýynsha, aiaqtyń ulǵaiýynan basqa, bala ishek limfangiomiomatozymen aýyrǵan. Ishektiń jii qan ketýi aýyr anemiianyń damýyna yqpal etti, bul úshin aiyna 2-3 ret qan quiýdy qajet etti. Jyldyń basynda qyz bala aýrýhananyń ortopediia jáne ońaltý bólimine júieli túrde jatqyzyldy.
№2 balalar aýrýhanasynyń hirýrgtary sáýir aiynda ishekke ota jasady, bul qaitalanǵan qan ketýdi toqtatýǵa kómektesti. Osy operatsiiadan bastap balaǵa qan men onyń komponentterine jii quiý qajet bolmady. Qyzdyń densaýlyǵy jaqsardy, ol salmaq qosa bastady.
«Osy aptada quramynda ortoped, hirýrg, anesteziolog bar mýltitártiptik top sol aiaǵynyń tabanyna rekonstrýktivti otany sátti jasap shyqty. Emdeýdiń 2 kezeńi. Aldyńǵy jyly aiaqtaryna da, ishekte de operatsiialardyń taǵy 3 kezeńin oryndaý josparlanýda. Oń aiaǵyna jasalǵan operatsiiadan keiin balanyń kúshi men áleýmettik osaldyǵy tómendeidi», - dep túsindiredi Aǵabek Shikinaev.
Qyzdyń anasy operatsiia jasaǵan búkil dárigerler tobyna alǵys aitty.
«Operatsiia sátti ótti. Kúrdeli operatsiialar men qiyn kezeń boldy. Biraq qazir bári jaqsy, bizdiń Tomiris qýanyshty, biz de», - dep jazdy Tomiristiń anasy Instagram paraqshasynda.
