Nur-Sultan qalasynyń dárigerleri men medbikeleri qala turǵyndarynan kómek surady, dep habarlaidy "Ult aqparat".
QR Densaýlyq saqtaý ministrliginiń qoǵammen bailanys departamenti direktorynyń orynbasary Gaýhar Bisarina Facebook paraqshasyna jariialaǵan videoda elordanyń dárigerleri, meiirbikeler, jedel járdem qyzmetkerleri qala turǵyndaryn koronaviirýs indetin jeńý úshin úide otyrýǵa shaqyrady.
«Meniń atym Baqytjan. Biz - Nur-Sultan qalasynyń dárigerlerimiz. Qazir qiyn-qystaý kezeńnen ótip jatyrmyz. Sizderden kómek suraimyz. Úide otyryńyzdar», - deidi dárigerlerdiń biri.
Infektsionist-dáriger Aqbota da qazir mańyzdy sát ekenin, bul jattyǵý emestigin basa aita kele indetten qorǵanýdyń jalǵyz múmkindigi - úide bolý ekenin basa aitady.
«Meniń balalarym úide otyr. Sizdiń balalaryńyz she? Úide qalýyńyzdy suraimyn», - deidi meditsina salasynda 20 jyldan beri jumys istep kele jatqan Jupargúl esimdi meiirbike.
