Elordadaǵy «Big Shanhai» bazarynda 30 dúńgirshek janyp ketti. Bul týraly QR Ishki ister ministrligi Tótenshe jaǵdailar komitetiniń resmi ókili Nursultan Nurahmetov málim etti, dep habarlaidy "Ult aqparat".
«6 tamyz kúni saǵat 03:49-da Nur-Sultan qalasynyń »101« pýltine Baiqońyr aýdanynyń Alash kóshesinde ornalasqan «Big Shanhai» bazarynda órt shyqqany týraly habarlama tústi. Alǵashqy órt sóndirýshiler jetken 03 saǵat 57 minýtta «Iarmarka» azyq-túlik pavilonynda halyq tutynatyn taýarlar ornalasqan 30 dúńgirshek janyp jatqany anyqtaldy. Qutqarýshylardyń kúshimen 04:35-te jalynnyń taralýy toqtatylyp, 05:08-de tolyǵymen aýyzdyqtaldy», - dedi resmi ókil.
Tilsiz jaý 500 sharshy metr aýmaqty sharpyǵan.
«Qurban bolǵandar men zardap shekkender joq. Órtti sóndirýge Tótenshe jaǵdailar departamentiniń 44 adamy men 12 tehnikasy jumyldyryldy», - dep tolyqtyrdy N.Nurahmetov.
