ەلورداداعى «Big شانحاي» بازارىندا 30 دٷڭگٸرشەك جانىپ كەتتٸ. بۇل تۋرالى قر ٸشكٸ ٸستەر مينيسترلٸگٸ تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ مەلٸم ەتتٸ, دەپ حابارلايدى "ۇلت اقپارات".
«6 تامىز كٷنٸ ساعات 03:49-دا نۇر-سۇلتان قالاسىنىڭ »101« پۋلتٸنە بايقوڭىر اۋدانىنىڭ الاش كٶشەسٸندە ورنالاسقان «Big شانحاي» بازارىندا ٶرت شىققانى تۋرالى حابارلاما تٷستٸ. العاشقى ٶرت سٶندٸرۋشٸلەر جەتكەن 03 ساعات 57 مينۋتتا «يارماركا» ازىق-تٷلٸك پاۆيلونىندا حالىق تۇتىناتىن تاۋارلار ورنالاسقان 30 دٷڭگٸرشەك جانىپ جاتقانى انىقتالدى. قۇتقارۋشىلاردىڭ كٷشٸمەن 04:35-تە جالىننىڭ تارالۋى توقتاتىلىپ, 05:08-دە تولىعىمەن اۋىزدىقتالدى», - دەدٸ رەسمي ٶكٸل.
تٸلسٸز جاۋ 500 شارشى مەتر اۋماقتى شارپىعان.
«قۇربان بولعاندار مەن زارداپ شەككەندەر جوق. ٶرتتٸ سٶندٸرۋگە تٶتەنشە جاعدايلار دەپارتامەنتٸنٸڭ 44 ادامى مەن 12 تەحنيكاسى جۇمىلدىرىلدى», - دەپ تولىقتىردى ن.نۇراحمەتوۆ.
