Biyl elordada 20 198 bala alǵash ret balabaqshaǵa barady, dep habarlaidy qala ákimdigi.
17 maýsymnan bastap barlyq mektepke deiingi uiymdarǵa qujat qabyldaýdy bastaý josparlanýda. e.astana.kz nemese indigo24.kz elektrondy júiesinde mektepke deiingi uiymdarda (jekemenshik balabaqshalar men shaǵyn ortalyqtar) bosaǵan 20 198 oryn jariialanatyn bolady (2019 jyly – 15 myń oryn bosady).
Nur-Sultan qalasynyń bilim basqarmasynyń málimetinshe, bosaǵan oryndardyń ishinde 2018 jyly týǵandarǵa – 2 442 oryn, 2017 jyly týǵandarǵa – 7 877 oryn, 2016 jyly týǵandarǵa – 5 449 oryn, 2015 jyly týǵandarǵa – 4 430 oryn qarastyrylǵan.
«1 maýsymnan barlyq memlekettik mektepke deiingi uiymdarda saǵat 8.00-den 18.00-ge deiin ata-analar úshin onlain-konsýltatsiialar uiymdastyryldy. Qajet bolsa ata-analar qatań sanitarlyq-dezinfektsiialyq sharalardy saqtai otyryp, memlekettik mektepke deiingi uiymdar janyndaǵy konsýltatsiialyq pýnktterdiń kómegine júgine alady», delingen habarlamada.
Toptastyrýdy ótkizý kestesi men joldamalardy alý boiynsha aqparat barlyq internet resýrstarda: Bilim basqarmasynyń saitynda (bilim.astana.kz), ákimdiktiń saitynda (astana.gov.kz), elektrondyq júiede (e.astana.kz nemese indigo24.kz) ornalastyrylady.
«Elordadaǵy karantin rejimine bailanysty berilgen joldamalardyń merzimi ata-ananyń qatysýynsyz avtomatty túrde júiede uzartylatyn bolady. Barlyq týyndaityn suraqtar boiynsha Call-ortalyqqa 55-68-83, 55-68-73, 1445 telefondary arqyly habarlasýǵa bolady», – delingen bilim basqarmasynyń habarlamasynda.
