بيىل ەلوردادا 20 198 بالا العاش رەت بالاباقشاعا بارادى, دەپ حابارلايدى قالا ەكٸمدٸگٸ.
17 ماۋسىمنان باستاپ بارلىق مەكتەپكە دەيٸنگٸ ۇيىمدارعا قۇجات قابىلداۋدى باستاۋ جوسپارلانۋدا. e.astana.kz نەمەسە indigo24.kz ەلەكتروندى جٷيەسٸندە مەكتەپكە دەيٸنگٸ ۇيىمداردا (جەكەمەنشٸك بالاباقشالار مەن شاعىن ورتالىقتار) بوساعان 20 198 ورىن جارييالاناتىن بولادى (2019 جىلى – 15 مىڭ ورىن بوسادى).
نۇر-سۇلتان قالاسىنىڭ بٸلٸم باسقارماسىنىڭ مەلٸمەتٸنشە, بوساعان ورىنداردىڭ ٸشٸندە 2018 جىلى تۋعاندارعا – 2 442 ورىن, 2017 جىلى تۋعاندارعا – 7 877 ورىن, 2016 جىلى تۋعاندارعا – 5 449 ورىن, 2015 جىلى تۋعاندارعا – 4 430 ورىن قاراستىرىلعان.
«1 ماۋسىمنان بارلىق مەملەكەتتٸك مەكتەپكە دەيٸنگٸ ۇيىمداردا ساعات 8.00-دەن 18.00-گە دەيٸن اتا-انالار ٷشٸن ونلاين-كونسۋلتاتسييالار ۇيىمداستىرىلدى. قاجەت بولسا اتا-انالار قاتاڭ سانيتارلىق-دەزينفەكتسييالىق شارالاردى ساقتاي وتىرىپ, مەملەكەتتٸك مەكتەپكە دەيٸنگٸ ۇيىمدار جانىنداعى كونسۋلتاتسييالىق پۋنكتتەردٸڭ كٶمەگٸنە جٷگٸنە الادى», دەلٸنگەن حابارلامادا.
توپتاستىرۋدى ٶتكٸزۋ كەستەسٸ مەن جولدامالاردى الۋ بويىنشا اقپارات بارلىق ينتەرنەت رەسۋرستاردا: بٸلٸم باسقارماسىنىڭ سايتىندا (bilim.astana.kz), ەكٸمدٸكتٸڭ سايتىندا (astana.gov.kz), ەلەكتروندىق جٷيەدە (e.astana.kz نەمەسە indigo24.kz) ورنالاستىرىلادى.
«ەلورداداعى كارانتين رەجيمٸنە بايلانىستى بەرٸلگەن جولدامالاردىڭ مەرزٸمٸ اتا-انانىڭ قاتىسۋىنسىز اۆتوماتتى تٷردە جٷيەدە ۇزارتىلاتىن بولادى. بارلىق تۋىندايتىن سۇراقتار بويىنشا Call-ورتالىققا 55-68-83, 55-68-73, 1445 تەلەفوندارى ارقىلى حابارلاسۋعا بولادى», – دەلٸنگەن بٸلٸم باسقارماسىنىڭ حابارلاماسىندا.
