Nur-Sultan Nazarbaev halyqaralyq áýejaiynyń qoldanystaǵy TSE úsh áripti kodyn NQZ-ge ózgertý týraly túpkilikti sheshim qabyldandy. Bul jaiynda QR Indýstriia jáne infraqurylymdyq damý ministrliginiń Telegram-paraqshasynda jariialanǵan aqparatta aitylǵan, dep habarlaidy "Ult aqparat".
«Halyqaralyq áýe kóligi qaýymdastyǵynyń (IATA) 2020 jylǵy 6 sáýirdegi arnaiy habarlamasyna sáikes, Nur-Sultan Nazarbaev halyqaralyq áýejaiynyń qoldanystaǵy TSE úsh áripti kodyn NQZ-ge ózgertý týraly túpkilikti resmi sheshim qabyldandy», - delingen atalǵan vedomstvo aqparatynda.
Aita keterligi, QR Indýstriia jáne infraqurylymdyq damý ministrligi IATA basshylyǵymen jáne sarapshylarymen búkil álem boiynsha áýejailardyń úsh áripti kodtaryn taǵaiyndaý men ózgertý boiynsha IATA tásilderin ózgertý baǵytynda kóp jumys atqardy. Osy jumystardyń nátijesinde álemniń barlyq elderi áýejailarynyń úsh áripti kodtaryna ózgerister engizýge biregei múmkindik boldy. Sonymen qatar, elimiz azamattyq aviatsiia ókilderiniń búkil álem boiynsha úsh áripten turatyn áýejai kodtaryn taǵaiyndaý men ózgertý týraly IATA qararyna túzetý engizý týraly bastamalaryn qoldaý máselesin pysyqtady.
«Bul ózgeris resmi túrde 2020 jyldyń 8 maýsymynan bastap kúshine enedi jáne NQZ áýejaidyń jańa kody áýe biletterdi brondaýdyń barlyq júielerinde, sonyń ishinde biletterde, joljúk birkalarynda, aqparattyq tablolarda qoldanylady», -dep atap ótedi ministrlikten.
