Kólik salasyndaǵy taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Bolat Qalmaǵanbetov elorda áýejaiynda koronavirýstyń taralýyn boldyrmaý maqsatynda júrgizilip jatqan jumystar týraly aitty, dep habarlaidy QazAqparat.
«Sanitarlyq-karantindik beketterde 1 aýysymda 4 sanitarlyq dáriger jumys isteidi. Olardyń basty mindeti – jolaýshylardyń densaýlyǵyn tekserý. Mamandar – jolaýshylardy áýejaiǵa kirgende bir, shyqqanda ekinshi ret termometriiadan ótkizedi. Olardyń COVID-19 virýsy boiynsha zerthanalyq anyqtamasyn qaraidy. Biz munda koronavirýs anyqtalǵan azamat bolsa, birden ornalastyrýǵa bolatyn ýaqytsha oqshaýlaý beketin ázirlep qoidyq», - dedi Bolat Qalmaǵanbetov áýejaida tilshilerge bergen suhbatynda.
Onyń aitýynsha, áýejaidyń meditsina qyzmetkerleri jedel járdem kelgenshe ýaqytsha oqshaýlaý beketinde koronavirýs anyqtalǵan azamatty ustaityn bolady.
«Áýejai qazirgi tańda ishki qazaqstandyq reiske úlken jaýapkershilikpen qaraidy. Áýejaidyń ákimshiligi men tasymaldaýshylar talaptarymyzdyń bárin oryndady. Alǵashqy reis boiynsha jumystardy júrgizemiz. Munda qyzmetkerler táýlik boiy qyzmet etedi. Nur-Sultannan ushyp shyǵatyn jolaýshylar úshin terminalǵa kireberiste jolaýshylardyń bárine sanitarlyq-karantindik baqylaý júrgiziledi», - dedi ol.
