Elordada Jańa jylǵa daiyndyq jumystary Táýelsizdik kúninen keiin ǵana bastaldy. Bul týraly búgin Ortalyq kommýnikatsiialar qyzmetindegi baspasóz máslihatynda Nur-Sultan qalasynyń ákimi Altai Kólginov aitty, dep habarlaidy QazAqparat.
Qala basshysynyń aitýynsha, biyl jańa jylǵa orai shyrsha satyp alynǵan joq. Buǵan deiin qala ishinde ornatylyp kelgen shyrlar kádege jaraidy. Jalpy, qala ishinde 50 shyrsha shyrsha bolsa, sonyń 70 paiyzyn iri saýda ortalyqtary óz qarajattary esebinen ornatyp jatady.
«Jalpy biz Jańa jyl taqyrybyn 16 jeltoqsan ótkennen keiin ǵana jan-jaqty kótere bastadyq. Qurastyrylmaly shyrshalardy sál erterek bastaǵanymyzben bezendendirý jumystary búginnen bastap qolǵa alyndy. Sonymen qatar otshashý da qala biýdjeti esebinen júzege asyrylmaidy», - dedi ol.
Elorda ákimi Táýelsizdik kúninde jyl áni ótkizilgendigin, oǵan deiin QR Prezidentiniń qatysýymen jastar jylynyń jabylý jáne Volenterler jylynyń ashylý saltanatty sharasy bolǵandyǵyn aitty.
Sonymen qatar Altai Kólginov shyrshany kesip, jańa jylǵa orai ornatýǵa qarsy ekendigin aitty.
«Bireýler kesken shyrshany esh ýaqytta da satyp almaimyn. Menińshe bul adamshylyqqa jatpaidy. Ákimdik qyzmetkeri retinde bir shyrshany ósirý úshin qanshama ýaqyt qajet ekendigin bilemiz. Negizinen qaraǵaidy shabady. Bir shyrshany ósirý úshin adamdardyń qansha eńbek ketkendigin elestetip kórińizderdi. Shyrshany ósirý úshin 10-15 jyl ýaqyt ketedi, al on 15 minýttyń ishinde shaýyp satady. Eki aptadan keiin adamdar ony dalaǵa tastaidy. Bul ekologiiaǵa da ziiandy. Árine, bizde oǵan tyiym salynbaǵan. Bir jaqtan, múmkin ózge elden ákeledi. Úiimde jasandy materialdan jasalǵan shyrshany paidalanamyn. Bir rettik emes, shashylmaidy jáne birneshe jyl paidalanýǵa bolady», - dedi qala basshysy.
