Búgin elorda ákimi Altai Kólginov az qamtylǵan jáne kópbalaly otbasylarǵa arnalǵan turǵyn úidiń qurylysymen tanysty, dep habarlaidy "Ult aqparat" ákimniń Facebook paraqshasyna silteme jasap.
Búgin shahar basshysy Á. Jangeldin, S. Rahymov jáne Sh. Ýálihanov kósheleriniń qiylysynda ornalasqan úi-jailar men kólik turaǵy bar kóppáterli turǵyn úi kesheniniń qurylys alańyna bardy.
Turǵyn úi keshenindegi páter sany - 1 472, kólik turaǵyndaǵy oryndar sany - 1 021, úi-jaidyń jalpy aýdany - 1700 sharshy metr. Ákim nysannyń qurylys barysy men jobany júzege asyrýdaǵy ózekti máselelermen tanysty.
«Injenerlik infraqurylym júrgizý jáne aýlany abattandyrý jumystaryn ýaqytyly aiaqtaý, turǵyndardyń qajettilikterin eskere otyryp tómengi qabattarda meditsinalyq jáne mektepke deiingi bilim berý nysandaryn ornalastyrý, Sh. Ýálihanov jáne S. Rahymov, kósheleriniń aralyǵynda Á.Jangeldin kóshesin salýdy qarastyrý týraly naqty tapsyrmalar berildi», - dep jazady Altai Kólginov.
Memleket basshysynyń tapsyrmasyna sáikes, bul páterler jyl sońyna deiin kezekte turǵan azamattarǵa, az qamtylǵan jáne kópbalaly otbasylar men eńbek jastaryna tapsyrylady.
