1 qazan - Qarttar kúni. Nur-Sultan qalasynda bul kúnniń qalai ótetini belgili boldy, dep habarlaidy elorda ákimdiginiń resmi saity.
Jyl saiyn bul merekede jasy kelgen zeinetkerlerge bir rettik tólem júzege asyrylady, biyl onyń kólemi - 6313 teńge (2,5 AEK). Eń tómengi kólemde zeinetaqy alýshylar bul somany ala almaidy, sebebi ákimdik ony Konstitýtsiia kúnine orai berdi.
Nur-Sultan qalasynyń Jumyspen qamtý jáne áleýmettik qorǵaý basqarmasy basshysynyń orynbasarynyń m.a. Ilia Skýbtyń aitýynsha, 1 qazanda atalyp ótetin Halyqaralyq qarttar kúnine orai 6313 teńge (2,5 AEK) kóleminde bir rettik tólem beriledi. Eń tómengi kólemde zeinetaqy alýshylar bul somany ala almaidy, sebebi ákimdik ony Konstitýtsiia kúnine orai bergen bolatyn.
«Nur-Sultan qalasynda jasy boiynsha 82 myń zeinetker bar, onyń 57-i UOS ardageri, oǵan teńestirilgen tyl eńbekkerleri, 25 myń múmkindigi shekteýli jandar. Qalanyń zeinetkerleri úshin tegin jolaqy bar, sondai-aq tisin protezdeý qyzmeti kórsetilip, olar sanatorlyq-kýrorttyq emdeýge jiberiledi. Jasy boiynsha zeinetaqy alýshylar joldama qunynyń 35% tóleidi, qalǵanyn memleket óteidi. Al eń tómengi zeinetaqy alýshylar joldama qunynyn 25%, al qalǵanyn Nur-Sultan qalasynyń ákimdigi jabady. UOS ardagerleri men olarǵa teńestirilgender jáne múmkindigi shekteýli jandar úshin joldama tegin», - dedi ol.
Sonymen birge, Qarttar kúninde «Astana» kontserttik zalynda merekelik mýzykalyq baǵdarlama qoiylady. Onda ardagerlerdiń shyǵarmashylyq ujymy óner kórsetedi. Merekege orai fotokórme, shyǵarmashylyq óner ekspozitsiiasy, fleshmob, ekskýrsiia uiymdastyrylady. Qala kásiporyndary merekege orai 40 myń adamdy qamtý josparlanyp otyr.
