Elorda ákimdigi biyl memlekettik qyzmetterdi 100 paiyz tsifrlandyrady. Bul týraly Úkimet otyrysynda Nur-Sultan qalasynyń ákimi Altai Kólginov aitty, dep habarlaidy "Ult aqparat".
«Qazirgi ýaqytta Nur-Sultan qalasynyń ákimdigi 158 memlekettik qyzmet kórsetedi. Jyl basynan avtomattandyrylǵan qyzmetter sanyn 132-den 154-ke deiin ulǵaittyq. Eger ótken jyly memlekettik qyzmetterdi avtomattandyrý deńgeii 73 paiyz bolsa, qazirgi ýaqytta ol 97,5 paiyzdy quraidy. Jyl sońyna deiin 100 paiyz memleettik qyzmetterdi tsifrlandyrýdy kózdep otyrmyz», - dedi ol.
Qala basshysynyń aitýynsha, búgingi kúni Iqala ortalyǵy bir tereze formatynda tikelei 134 qyzmetti usynady. Jyl sońyna deiin oǵan taǵy 16 qyzmet qosylady.
«Ótken jyly 10 qyzmetpen bastaǵan bolatyn. Jalpy osy ýaqytqa deiin 55 myńnan astam qyzmet kórsetildi», - elorda ákimi.
Sonymen qatar ol turǵyndarǵa yńǵaily jaǵdai týdyratyn, sybailas jemqorlyq táýekelderin joiýǵa áser etetin keibir nátijelerge toqtaldy.
«Buryn injenerlik jelilerge qosylý úshin azamattar men kásipkerler árbir monopoliske baryp, qyrýar ýaqyt jáne qarajat jumsaýǵa májbúr bolatyn. Máselen, páter satyp alǵanda qujattardy qaita tirkeý úshin «Astana sý arnasy», «Astana energosbyt» syndy mekemelerge barý qajet edi. Endi ony Iqala ortalyǵynda nemese veb-saitta bir qosymshamen jasaýǵa bolady. Ótinish berýshige óziniń qujattarynyń daiyndyǵy týraly 3 kún ishinde sms habarlama keledi jáne jeke kabinetinde qol qoiylǵan jeke kelisimshartty ala alady», - dedi Altai Kólginov.
Munan bólek elorda ákimi mektepterde tamaqtandyrýdy qolma-qol esep aiyrysý jobasy engizilgenin, qoǵamdyq kólikterdiń barlyǵy elektrondy tólem júiesimen jabdyqtalǵanyn atap ótti.
