Qazaqstandyq tanymal otbasy Elmira Tólegenova men Erbolat Janabylovtyń ajyrasatyny týraly aqparat tarady. Bul týraly Elmira Tólegenova áleýmettik jelidegi paraqshasynda málimdedi, dep habarlaidy ult.kz.
Onyń aitýynsha, qazir erli-zaiyptynyń arasynda resmi túrde ajyrasý protsesi júrip jatyr.
«Biz ajyrasý protsesindemiz. Bul haip nemese basqa nárse emes. Qoldaýlaryńyz úshin, janymnan tabylǵandaryńyz úshin kóp raqmet», – dedi Elmira Tólegenova.
Elmira Tólegenova men Erbolat Janabylovtyń otbasy kópshilik nazarynda bolǵan. Erli-zaiyptynyń úsh balasy bar.
Ázirge Erbolat Janabylovtyń ajyrasý protsesine qatysty jeke pikiri jariialanǵan joq.
Aita keteiik, biyl erli-zaiypty bloger zańsyz onlain-lotereialar uiymdastyrǵany úshin sotty boldy.
