Elordanyń Esil aýdanynyń №2 soty bilim jáne ǵylym vitse-ministri Elmira Sýhanberdievanyń isi boiynsha sheshim shyǵardy, dep habarlaidy "Ult aqparat".
Aita keteiik, tergeý kezinde Sýhanberdieva men Sheverniiaeva kináni tolyǵymen moiyndap, óz erkimen protsessýaldy kelisimge keldi. Prokýror vitse-ministrge 2500 ailyq eseptik kórsetkish mólsherinde (6 312 500 teńge), al Elena Sheverniaevaǵa 500 AEK mólsherinde (1 262 500 teńge) aiyppul salýdy usyndy. Budan bólek, jekemenshik mektep direktorynyń kabinetinen tárkilengen 11 475 300 teńgeni memleket menshigine alyp qoiýdy suraǵan.
Búgin sýdia Baqytjan Esenov sottyń sheshimin jariialady. Oǵan sáikes, prokýrordyń barlyq talabyn qanaǵattandyrdy.
Ekeýi de ómir boiyna memlekettik qyzmette, sotta, Ulttyq bankte, jergilikti ózin-ózi basqarý organdarynda jáne memleket úlesi 50% asatyn ózge de memlekettik organdarda - ulttyq holdingter, ulttyq damý institýttarynda jumys isteý quqyǵynan aiyryldy.
Sot vitse-ministrdi "Eren eńbegi úshin" memlekettik nagradasynan aiyrýǵa usynys engizdi.
Budan buryn habarlanǵandai, Elmira Sýhanberdieva sybailas jemqorlyq kúdigimen ustaldy jáne 2 aiǵa qamaýǵa alyndy.
9 shilde kúni sot otyrysy ótip, ol óz kinásin moiyndady.
