QR Bilim jáne ǵylym vitse-ministri Elmira Sýhanberdievanyń ústinen birneshe fakti boiynsha sotqa deiingi tergeý bastaldy. Bul týraly búgin QR Memlekettik qyzmet isteri jáne sybailas jemqorlyqqa qarsy is-qimyl agenttiginiń resmi ókili Janna Bastarova aitty, dep habarlaidy QazAqparat tilshisi.
"Sybailas jemqorlyqqa qarsy is-qimyl biýrosymen Bilim jáne ǵylym vitse-ministrine qatysty laýazymdyq ókilettikterin teris paidalaný, para alý, kásipkerlik qyzmetke zańsyz aralasý faktileri boiynsha sotqa deiingi tergeý bastaldy. Sot sanktsiiasymen Bilim jáne ǵylym vitse-ministrine qatysty kúzetpen ustaý túrindegi bultartpaý sharasy qabyldandy. Tergeý jalǵasýda. Ózge aqparat QR Qylmystyq protsestik kodeksiniń 201 babyna sáikes jariia etýge jatpaidy. Kúdiktige qatysty túpkilikti sheshim onyń kinásiniń dárejesin anyqtaý arqyly sotpen shyǵarylady", - dedi Janna Bastarova.
Onyń dereginshe, Elmira Sýhanberdievaǵa QR Qylmystyq kodekstiń 361, 364 jáne 366 baptary boiynsha aiyp taǵylǵan.
Aita keteiik, búgin Nur-Sultan qalalyq sotynyń baspasóz qyzmeti QR Bilim jáne ǵylym vitse-ministri Elmira Sýhanberdievanyń 2 aiǵa qamaýǵa alynǵanyn rastaǵan bolatyn.
Buǵan deiin Sybailas jemqorlyqqa qarsy is-qimyl ulttyq biýrosy Bilim jáne ǵylym vitse-ministrine qatysty sotqa deiingi tergeý amaldaryn bastalǵandyǵyn habarlaǵan edi.
