Aýyl ákimderin sailaý qanshalyqty tiimdi jáne atalmysh format halyqtyń memleketke senimdiligin qanshalyqty arttyratyny jaily «Ulytaýdyń isker áielderi» qoǵamdyq birlestiginiń tóraiymy Elmira Ershumanova aityp berdi, dep habarlaidy QazAqparat.
Aýyl ákimderin sailaýda engizilip otyrǵan jańa format aýyl turǵyndaryna óz týǵan jerin kórkeitýge jáne damytýǵa zor múmkindik syilaidy, dep esepteidi «Ulytaýdyń isker áielderi» qoǵamdyq birlestiginiń tóraiymy Elmira Ershumanova.
«Aýyl ákimderiniń jańa formattaǵy sailaýy jergilikti basqarý men reformalaý strategiialyq mindetterin sheshýge baǵyttalǵan. «Halyq únine qulaq asatyn memleket» tujyrymdamasy aiqyn kórinis tabýda, iaǵni halyqqa aýyldy kórkeitýge jáne damytýǵa atsalysatyn, el múddesin qorǵaityn aýyl basshysyn tańdaýǵa mýmkindik berilýde. Sonymen qatar atalmysh sailaý partiialardyń ókilettigin keńeitý arqyly saiasi básekelestikti damytýǵa septigin tigizbek», - deidi Elmira Ershumanova.
Spikerdiń aitýynsha, halyqtyń memleketke senimdiligi artyp, jariialylyq qaǵidaty ta kórinis tabady.
«Halyqqa osy sekildi sailaý formaty óte tiimdi, sebebi halyq jergilikti jerdiń jyrtyǵyn jamap, baryn asyratyn basshyny ózi sailaidy. Aýyl turǵyndaryna múmkinshilik berilýde, óz eline adal, memlekettiń baǵdarlamasyn is júzine asyrýǵa jane oryndaýǵa daiyn el azamatyn alǵa tarta alady», - dedi ol.
