"Densaýlyq saqtaý jáne áleýmettik damý ministrligi biylǵy alǵashqy 7 aiǵa berilgen shet eldik jumys kúshin tartý kvotasynyń sanyn jariialady. Birinshi shildedegi jaǵdai boiynsha mundai kelimsek jumysshylar sany 29 myńnan asady", – dep habarlaidy BAQ.kz tilshisi.
Ministrliktiń málmetine qaraǵanda sheteldik jumys kúshi úshin 29 458 kvota bólingen. Olardyń ishinde 1716-sy birinshi sanat (jetekshiler men olardyń orynbasarlary), 5550 – ekinshi sanat (qurylymdyq bólimshelerdiń jetekshileri) boiynsha berilgen.
Sonymen qatar shet elden elimizge qyzmetkerler tartýǵa ruqsattyń basym kópshiligi «mamandar» sanaty dep atalatyn úshinshi topqa – 13382 jáne «bilikti qyzmetkerler» qataryn toltyratyn tórtinshi sanat boiynsha – 6934 berilgen. Al, maýsymdyq jumystar úshin, iaǵni, bir ýaqytta ǵana kelip, jumysyn istep qaitatyndar úshin — 1876 kvota bólingen.
Elimiz boiynsha dál búgingi tańda syrttan eńbek kúshin tarta alatyn 3672 jumys berýshi bar. Sonymen qatar, olar 465 myńǵa jýyq qazaqstandyq azamattardy eńbekpen qamtamasyz etip otyr. Iaǵni, qyzmetkerleriniń 93,7 paiyzy otandyq jumyskerler deýge bolady.
Otandyq jumys berýshiler Qazaqstan azamattaryn qanshalyqty mol mólsherde jumyspen qamtamasyz etip otyrmyz dese de, syrttan keler eńbek migranttaryna tosqaýyl bola almaidy. Al elimizge syrttan kelip jumys isteitinderdiń kóbi qytai azamattary – 11 713 adam, almunan keiin túrikter men ózbekter árqaisysy 3302, 3012 adamnan. Bir qyzyǵy elimizge kelip jumys isteitin elderdiń alǵashqy bestigin Ulybritaniia (1490) men Úndisten (1274) túiindegen eken.
Al Qazaqstan bazarlaryn jaýlap alǵan qyrǵyz baýyrlarymyz týraly aqparat joq.
Al, osy jyl saiyn elimizge kelip jatqan eńbek migranttarynyń kelgeni týraly aqparat berilgenimen, olardyń kelisimdi merzimi bitken soń qaitarylǵany, qaitarylmaǵany týraly málmet joq deýge bolady.
