© REUTERS / PAVEL MIKHEYEV
Memleket basshysy Qasym-Jomart Toqaev Májilis otyrysynda elimizge qarsy terroristik soǵys ashylǵanyn málimdedi, dep habarlaidy QazAqparat.
«...Osy aralyqta halyqtyń avtogaz baǵasynyń qymbattaýyna narazylyǵy qural retinde qoldanylyp ketti. Odan keiingi oqiǵalar spiral sekildi jalǵasty. Birinshi oramda – birqatar óńirde, dálirek aitqanda Jańaózende mitingter ótti. Ekinshi oramda – banditter men maroderler qosyldy. Ári qarai qarýly terroristerdiń, onyń ishinde sheteldik sodyrlardyń qatysýymen qyzý kezeńi bastaldy. Osydan keiin olardyń negizgi maqsaty belgili boldy – memlekettik basqarý institýttaryn taratý, konstitýtsiialyq qurylymdy buzý jáne túptiń túbinde bilikti basyp alý», - dedi Qasym-Jomart Toqaev.
«Ár nárseni óz atymen atar bolsaq, buǵan deiin UQShU sammitinde aitqanymdai, bizdiń elge qarsy terroristik soǵys ashyldy. Jaý asqan qatygezdik pen kez kelgen qadamǵa barýǵa daiyn ekenin kórsetti. Olar tipti halyq arasynda qarsy shyǵý týraly oidy basý úshin qorqynysh uialatqan», - dedi Prezident.
