«ÓKM Operatory» kúzge deiin Óskemen, Semei, Aqtóbe qalalarynda qoqys suryptaityn zaýyt ashýdy josparlap otyr dep habarlaidy QazAqparat.
«ÓKM Operatory» JShS basqarma tóraǵasy Medet Qumarǵaliev Jańartylatyn energiia jáne qaldyqtardy qaita óńdeý jónindegi 5-shi eýraziialyq biznes-forýmynda osyndai málimet aitty.
«Byltyr biz Ekologiia, geologiia jáne tabiǵi resýrstar ministrligimen birge Shyǵys Qazaqstannyń eki qalasynyń, Aqtóbe oblysynyń bir qalasynyń materialdyq-tehnikalyq jabdyqtaý jobasyn pilottyq rejimde qolǵa alǵan bolatynbyz. Óskemen qalasyna 6 qoqys jinaityn kólik pen 1,5 myń qoqys konteineri, Semei qalasyna 6 kólik pen 1274 konteiner, Aqtóbe qalasyna 6 kólik pen 1800 konteiner satyp alyp berdik. Onyń ústine 7 mln eýroǵa qoqys suryptaityn 3 zaýyt satyp aldyq. Oǵan qajet aqsha «ÓKM operatory» ýtil alymynan jinaǵan qarajat esebinen alyndy», - dedi seriktestik basshysy.
Onyń aitýynsha, atalmysh suryptaý jelileri úsh qalanyń ákimdikteriniń balansyna berilgen. Biraq, qoldanysqa berý merzimi keshigetin túri bar.
«Ókinishke qarai, bizde qaldyqty ortalyqtandyrylǵan tásilmen jinaýdyń infraqurylymy durys qalyptaspaǵan. Biz suryptaý jelisin jetkizip bergenimen, ol ornatylatyn ǵimarattyń jobalý-smetalyq qujattary áli bitpegen. Jospar boiynsha qoqys suryptaityn zaýyttar Óskemende 29 tamyzda, Semeide 30 tamyzda, Aqtóbede 1 qazanda iske qosylýy kerek», - dedi Medet Qurmanǵaliev.
