Búgin Toqaev Jetisý óńirin aralap júr.
Sapardyń á degendegi baǵytynyń ózi rýhaniiat ordasyna ainalǵan Jetisýda izi qalǵan jampoz – Shoqannyń basyna barýdan bastaldy.
Jalpy ishki saiasatta rýhaniiatqa kóńil bólý máselesi turaqty ári birizdilikpen júrgizilip kele jatqanyn kóziqaraqty jandar baǵamdasa kerek.
Keshegi Respýblika kúninde marapat alǵan, memlekettik syilyq alǵan jandardy, buǵan deiingi Prezident tapsyrmasymen atqarylyp jatqan isterdi saralai kele elimizdiń ulttyq rýhaniiatyna jylymyq kelgenin baiqaýǵa bolady.
Aqorda taratqan aqparatta Toqaev sapar aiasynda óńirdegi birqatar mádeni, týristik, óndiristik nysandy aralap kóretini aitylǵan.
Olai bolsa, jaziraly Jetisýdyń rýhaniiatqa ǵana emes, týrizmge de salyp otyrǵan oljasy sóz bolary anyq.
Bizdiń Prezident tapsyrma bermese qozǵalmaityn shendileri men Prezident at basyn burmasa ketigi bútindelmeitin óńirler óz betinshe is istep, Memleket basshysynyń tapsyrmasyn tiianaqty atqarýy – óz abyroiy, halyq aldyndaǵy bedeli ekeni aitpasa da túsinikti jaǵdai ǵoi...
Erjan Jaýbaidyń Facebook-taǵy jazbasy
