Aýa raiynyń buzylýyna bailanysty birqatar óńirde eskertý jariialandy, dep habarlaidy "Ult aqparat" «Qazgidromet» RMK baspasóz qyzmetine silteme jasap.
7 jeltoqsanda Qyzylorda oblysynda ońtústik-batystan soqqan jel kúsheiip, ekpini kei jerlerde 15-20 m/s jetedi.
Osy kúni Soltústik Qazaqstan oblysynyń ortalyǵy Petropavl qalasynda burqasyn kóterilip, kóktaiǵaq bolady. Ońtústik-batystan jel soǵady. Jel jyldamdyǵy sekýndyna 15-20, 23-28 metrge deiin kúsheiedi.
7 jeltoqsanda Qostanai oblysynda ońtústik-batystan soqqan jeldiń kúshi - 15-20, ekpini 23 m/s bolady. Kei jerlerde burqasyn jáne kóktaiǵaq kútiledi.
Osy kúni Qostanai qalasynda ońtústik-batystan jel soǵady. Jel qarqyny - 15-20 m/s. Túnde burqasyn kóteriledi.
7 jeltoqsanda Aqtóbe oblysynyń kei jerlerinde jaiaý burqasyn bolady. Tuman túsip, kóktaiǵaq kútiledi. Ońtústik-batystan jel soǵady. Kei jerlerde jel ekpini sekýndyna 15-20, túnde 23 metrge deiin jetedi.
Osy kúni Aqtóbe qalasynda tuman túsedi. Ońtústik-batystan sekýndyna 16 metr jyldamdyqpen jel soǵady.
