Sáýirdiń 25-inen bastap elimizdiń ortalyq jáne soltústik oblystarynda túnde -5 gradýsqa deiin sýyq bolady. Bul týraly Ortalyq kommýnikatsiialar qyzmetindegi brifingte «Qazgidromet» RMK gidrologiia departamentiniń direktory Didar Jánibekuly aitty, dep habarlaidy "Ult aqparat".
«Aýa raiynyń jylynýyna bailanysty taýdaǵy qar eridi. Mundai jait Almaty oblysynda sel júrý qaýpin týdyrady. Buǵan qosa, mamyr aiynda aýa temperatýrasy normadan joǵary bolmaq ári sý tasqyny qaýpin ulǵaita túsedi. Mamyrdyń aýa raiy boljamyna toqtalsam, bul aida eldiń ońtústik-batys bóliginde kún jyly, jaýyn-shashyn az túsedi. Al soltústik-shyǵys bóliginde salqyn bolyp, normamen shamalas nemese odan kóp jaýyn-shashyn kútiledi. Sonymen qatar ekpini sekýndyna 15-20 metrge jetetin jel soǵýy yqtimal», - dedi ol.
Onyń dereginshe, sáýirdiń 25-ine deiin búkil el aýmaǵynda kún jyly bolady. Odan keiin 25 sáýirden bastap elimizdiń ortalyq jáne soltústik oblystarynda túnde -5 gradýsqa deiin sýyq túsedi.
«Al odan keiin birtindep kún jylyna bastaidy», - dedi Didar Jánibekuly.
