سەۋٸردٸڭ 25-ٸنەن باستاپ ەلٸمٸزدٸڭ ورتالىق جەنە سولتٷستٸك وبلىستارىندا تٷندە -5 گرادۋسقا دەيٸن سۋىق بولادى. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگتە «قازگيدرومەت» رمك گيدرولوگييا دەپارتامەنتٸنٸڭ ديرەكتورى ديدار جەنٸبەكۇلى ايتتى, دەپ حابارلايدى "ۇلت اقپارات".
«اۋا رايىنىڭ جىلىنۋىنا بايلانىستى تاۋداعى قار ەريدٸ. مۇنداي جايت الماتى وبلىسىندا سەل جٷرۋ قاۋپٸن تۋدىرادى. بۇعان قوسا, مامىر ايىندا اۋا تەمپەراتۋراسى نورمادان جوعارى بولماق ەرٸ سۋ تاسقىنى قاۋپٸن ۇلعايتا تٷسەدٸ. مامىردىڭ اۋا رايى بولجامىنا توقتالسام, بۇل ايدا ەلدٸڭ وڭتٷستٸك-باتىس بٶلٸگٸندە كٷن جىلى, جاۋىن-شاشىن از تٷسەدٸ. ال سولتٷستٸك-شىعىس بٶلٸگٸندە سالقىن بولىپ, نورمامەن شامالاس نەمەسە ودان كٶپ جاۋىن-شاشىن كٷتٸلەدٸ. سونىمەن قاتار ەكپٸنٸ سەكۋندىنا 15-20 مەترگە جەتەتٸن جەل سوعۋى ىقتيمال», - دەدٸ ول.
ونىڭ دەرەگٸنشە, سەۋٸردٸڭ 25-ٸنە دەيٸن بٷكٸل ەل اۋماعىندا كٷن جىلى بولادى. ودان كەيٸن 25 سەۋٸردەن باستاپ ەلٸمٸزدٸڭ ورتالىق جەنە سولتٷستٸك وبلىستارىندا تٷندە -5 گرادۋسقا دەيٸن سۋىق تٷسەدٸ.
«ال ودان كەيٸن بٸرتٸندەپ كٷن جىلىنا باستايدى», - دەدٸ ديدار جەنٸبەكۇلى.
