Biyl elimizdiń ońtústigi men Atyraý, Aqtóbe oblystarynda sý az bolýy múmkin. Bul týraly QR Ekologiia, geologiia jáne tabiǵi resýrstar ministri Serikqali Brekeshev aitty, dep habarlaidy QazAqparat.
«Memleket basshysy Úkimettiń keńeitilgen otyrysynda sý salasy máselesine taǵy da nazar aýdardy. Ministrlikke jańa Sý kodeksiniń jobasyn osy jyldyń qyrkúiek aiynda Prezident Ákimshiligine engizý tapsyryldy. Bizde ýaqyt óte az, jarty jyl qaldy. Sý salasy mamandaryn tarta otyryp, jańa Sý kodeksin tolyq jáne sapaly ázirleýdi qamtamasyz etýdi tapsyramyn. Bul máseleni qatań baqylaýda ustaýdy jáne apta saiyn apparat keńesterinde jumys barysy týraly baiandaýdy suraimyn», - dedi Serikqali Brekeshev ministrliktiń alqa otyrysynda.
Onyń atap ótýinshe, ońtústik óńirlerde, sondai-aq Atyraý men Aqtóbe oblystarynda sýdyń az bolý qaýpi joǵary.
«Osyǵan orai tiisti oblystardyń basseindik inspektsiialarynyń basshylary men «Qazsýshar» kásiporyny filialdary Sý resýrstary komitetiniń basshylyǵymen ylǵal súigishtigi tómen daqyldardy egý, sý ainalymy men sý óńdeýshi sýarý tehnologiialaryn qoldaný, agrotehnikalyq jáne meleratsiialyq jumystar júrgizý jolymen ózenderdiń sý tapshylyǵy jaǵdaiynda sýdy utymdy paidalaný týraly fermelermen aqparattyq túsindirý jumystary júrgizilsin. « Qazsýshar» kásipornyna kanaldardy jóndeý jáne mehanikalyq tazalaý, basqa da jumystardy júrgizýdi qamtamasyz etýdi tapsyramyn», - dedi ministr.
