Foto: QR OAM
Óskemende QR Oqý-aǵartý ministrligi men Shyǵys Qazaqstan oblysy ákimdiginiń uiymdastyrýymen «Qanipa Bitibaevanyń pedagogikalyq murasy jáne qazaq tili men ádebietiniń ózekti máseleleri» atty halyqaralyq ǵylymi-praktikalyq konferentsiia ótti, dep habarlaidy Ult.kz.
Aýqymdy sharaǵa 500-ge jýyq ǵalym, pedagog, ustazdyń áriptesteri men shákirtteri qatysty. Konferentsiiada Qanipa Omarǵaliqyzynyń tájiribesi men eńbekteriniń zamanaýi pedagogikadaǵy mańyzdylyǵy baiandaldy.
Plenarlyq otyrysta sóz alǵan Oqý-aǵartý ministri Ǵani Beisembaev konferentsiianyń ustaz eńbegine kórsetilgen zor qurmettiń aiqyn belgisi ekenin atap ótti.
«Qanipa Omarǵaliqyzy – ádebietti oqytýdyń ulttyq úlgisin qalyptastyrǵan pedagog. Onyń eńbegin ulyqtaý – ótkenge taǵzym ǵana emes – keleshekke jol salý. Búgingi ustaz – bolashaqtyń sáýletshisi. Sondyqtan ár balanyń júregine úmit dánin sebý, rýhani bai, ulttyq sana-sezimi joǵary tulǵa tárbieleý – basty mindetimiz», - dedi ministr.
Foto: QR OAM
Qazirgi tańda Qanipa Bitibaeva atyndaǵy 17 ǵylymi-ádistemelik zerthana elimizdiń túkpir-túkpirinde jumys istep tur. Sonymen qatar jyl saiyn pedagogikalyq oqýlar, oqýshylar men kolledj stýdentteri arasynda qazaq tili men ádebietinen respýblikalyq olimpiadalar ótkizilip keledi.
Konferentsiia barysynda Ǵani Beisembaev Qanipa Bitibaeva uzaq jyldar eńbek etken Óskemendegi Jambyl atyndaǵy mektep-internatyna jańa modifikatsiiadaǵy oqý zerthanasyn jabdyqtaýǵa arnalǵan sertifikat tabystady.
Sondai-aq Q.Bitibaeva atyndaǵy zerthana jetekshileriniń jumysyna ministrliktiń alǵysyn jetkizdi.
