QR Prezidenti Qasym-Jomart Toqaev koronavirýs pandemiiasynyń el ekonomikasyna áseri týraly pikir bildirdi, dep habarlaidy "Ult aqparat".
«Koronavirýstyń álemdik ekonomikaǵa qalai keri yqpal etkenin kórdik. Is júzinde búkilálemdik ekonomikalyq júieni qaita jańǵyrtý máselesi qoiylyp otyr. Qazaqstan da osy aýqymdy daǵdarystyń saldaryn sezinýde», - dedi Memleket basshysy telearnalar arqyly joldaǵan úndeýinde.
Onyń aitýynsha, ekonomikalyq kataklizmderge qaramastan, áleýmettik shielenis pen jumyssyzdyqtyń artýyna jol bermes úshin barlyq sharalar qoldanylady.
«Elbasy Nursultan Nazarbaevtyń sarabdal saiasatynyń arqasynda elimizdiń halyqaralyq rezervteri shamamen 90 mlrd dollarǵa jetti. Bul – ekonomikamyzdyń turaqtylyǵyn saqtaýdyń jáne memlekettiń áleýmettik mindettemelerin oryndaýdyń mańyzdy kepili. Biz biýdjettik shyǵyndardy maksimaldy tiimdi bolatyn baǵyttarǵa qaita buramyz. Otandyq kásipkerlerdi qoldaýǵa jáne jańa jumys oryndaryn qurýǵa kem degende 300 mlrd teńge bólinedi», - dedi Q. Toqaev.
Esterińizge sala ketsek, QR Prezidentiniń Jarlyǵymen Dúniejúzilik densaýlyq saqtaý uiymynyń jańa COVID-19 koronavirýsyn pandemiia dep jariialaýyna bailanysty azamattardyń ómiri men densaýlyǵyn qorǵaý maqsatynda Qazaqstan Respýblikasynyń barlyq aýmaǵynda 2020 jylǵy 16 naýryz 08 saǵat 00 minýt pen 2020 jylǵy 15 sáýir 07 saǵat 00 minýt aralyǵynda tótenshe jaǵdai engizildi.
Sondai-aq Qazaqstan azamattaryna 15 sáýirge deiin el aýmaǵynan shyǵýǵa tyiym salyndy.
Qazaqstan Prezidenti otandyq kásipkerlerdi qoldaýǵa jáne jańa jumys oryndaryn qurýǵa eń kemi 300 mlrd teńge bólinetinin jetkizdi.
