QR Ekologiia, geologiia jáne tabiǵi resýrstar ministri Maǵzum Myrzaǵaliev «Jasyl qarjy» uǵymy engizilgen jańa Ekologiialyq kodeks týraly baiandady, dep habarlaidy QazAqparat.
«Qazir jańa Ekologiialyq kodeksti ázirlep jatyrmyz. Jyl sońynda qujat Parlamentke túsedi jáne ony talqylaýdy bastaimyz. Jasyl qarjy men taza tehnologiialardy jappai qoldaný úshin Ekologiialyq kodekske «jasyl qarjylandyrý», «jasyl jobalar» uǵymdary engizilgen. Sonymen birge, «jasyl obligatsiialar», nesieler syndy jasyl qarjy túrleri qarastyrylǵan», - dedi Maǵzum Myrzaǵaliev elordada jasyl ósim týraly II forýmda.
Onyń aitýynsha, Qazaqstan jasyl qarjy tartý boiynsha Eýropalyq qaita qurý jáne damý banki, Aziialyq damý banki, Dúniejúzilik bank, Jahandyq ekologiialyq qor, Jasyl klimattyq qor syndy uiymdarmen yntymaqtastyqty jalǵastyrady.
«Halyqaralyq tájiribe kórsetkendei, ekologiialyq jáne klimattyq máselelerdi sheshýge qarajat salý turaqty damýdyń mańyzdy quraýshysy bolyp sanalady. «Jasyl qarjylandyrý» - «jasyl ekonomika» damýyndaǵy negizgi basymdyq. Qazaqstan jańa tehnologiialyq sheshimder izdep, investitsiialar tartýǵa múddeli», - dedi ministr.
Aita keteiik, 10-11 qyrkúiekte elordada «Astana» halyqaralyq qarjy ortalyǵynyń Jasyl ósimge arnalǵan II forýmy ótedi. Oǵan 300-den astam álemdik jáne otandyq sarapshylar, jasyl qarjy mamandary, biznes pen memlekettik sektor ókilderi qatysýda.
Jasyl qarjy - aýanyń lastanýyn tómendetýge, sý, energiia men jylýdy tutynýdy azaitý syndy baǵyttaǵy jobalardy damytýǵa kómektesetin qarjylyq resýrstar. Termin qorshaǵan ortany saqtaý ideiasyna negizdeledi. Qazaqstan - postkeńestik elder arasynda jasyl ekonomikaǵa kóshken alǵashqy memleket.
