Aǵymdaǵy jyldyń ishinde elimizdiń biýdjeti 5,3 trln teńgege tolyqty. Onyń 70 paiyzyn, iaǵni 3,7 trln teńgesin salyq túsimderi qamtamasyz etip otyr, dep habarlaidy finprom.kz.
«2018 jyldyń birinshi jartyjyldyǵynda memlekettik biýdjet 5,3 trln teńgege tolyqty. Bul ótken jyldyń sáikes kezeńimen salystyrǵanda 4,8 paiyzǵa (5 trln) artyq. Memlekettik biýdjet tolýynyń negizgi kózi salyq túsimderi (barlyq túsimderdiń 69,8 paiyzy) boldy. Ol 13,8 paiyzǵa artyp, 3,7 trln teńgeni qurady. Bir jyl buryn onyń kólemi 3,2 trln teńge bolǵan edi», - dep atap ótedi basylym.
Kiristiń kelesi aýqymdy bóligin trasfertter quraidy. Onyń esebinen elimizdiń biýdjeti 1,4 trln teńgege ulǵaidy. Al salyqtyq emes túsimder men negizgi kapitaldy satýdan túsken túsimderdiń jalpy kólemi 150,6 mlrd teńgege jetti.
«Sońǵy 5 jylda memlekettik biýdjet túsimderi (qańtar-maýsym) 2,1 trln teńgege nemese 66,8 paiyzǵa artty. Bul rette aǵymdaǵy jyldyń birinshi jartyjyldyǵy sońǵy 5 jyldyń ishindegi eń kiristi kezeń bolyp otyr. 6 aidaǵy memlekettik biýdjettiń ortasha kirisi 8,8 paiyzdyq qarqynmen turaqty ósip keledi», - delingen habarlamada.
Salyq túsimderi qurylymyndaǵy negizgi kiris kózderi - taýlarlar, jumystar men qyzmetterge arnalǵan ishki salyqtar. Ol jyl basynan bergi alty aidyń ishinde 1,4 trln teńgeni qurady. Tabys salyǵynyń túsimi 1,2 trln teńge boldy. Bul osydan bir jyl burynǵy kórsetkishten 6,5 paiyzǵa artyq. Bul kásiporyndar men qyzmetkerlerdiń tabysy óskendigin kórsetedi.
Halyqaralyq saýda men ishki operatsiialardyń jiyntyq salyǵy 619,4 mlrd teńgeni (bir jyl buryn 529,7 mlrd teńge bolǵan edi) qurady.
.jpeg)