اعىمداعى جىلدىڭ ٸشٸندە ەلٸمٸزدٸڭ بيۋدجەتٸ 5,3 ترلن تەڭگەگە تولىقتى. ونىڭ 70 پايىزىن, ياعني 3,7 ترلن تەڭگەسٸن سالىق تٷسٸمدەرٸ قامتاماسىز ەتٸپ وتىر, دەپ حابارلايدى finprom.kz.
«2018 جىلدىڭ بٸرٸنشٸ جارتىجىلدىعىندا مەملەكەتتٸك بيۋدجەت 5,3 ترلن تەڭگەگە تولىقتى. بۇل ٶتكەن جىلدىڭ سەيكەس كەزەڭٸمەن سالىستىرعاندا 4,8 پايىزعا (5 ترلن) ارتىق. مەملەكەتتٸك بيۋدجەت تولۋىنىڭ نەگٸزگٸ كٶزٸ سالىق تٷسٸمدەرٸ (بارلىق تٷسٸمدەردٸڭ 69,8 پايىزى) بولدى. ول 13,8 پايىزعا ارتىپ, 3,7 ترلن تەڭگەنٸ قۇرادى. بٸر جىل بۇرىن ونىڭ كٶلەمٸ 3,2 ترلن تەڭگە بولعان ەدٸ», - دەپ اتاپ ٶتەدٸ باسىلىم.
كٸرٸستٸڭ كەلەسٸ اۋقىمدى بٶلٸگٸن تراسفەرتتەر قۇرايدى. ونىڭ ەسەبٸنەن ەلٸمٸزدٸڭ بيۋدجەتٸ 1,4 ترلن تەڭگەگە ۇلعايدى. ال سالىقتىق ەمەس تٷسٸمدەر مەن نەگٸزگٸ كاپيتالدى ساتۋدان تٷسكەن تٷسٸمدەردٸڭ جالپى كٶلەمٸ 150,6 ملرد تەڭگەگە جەتتٸ.
«سوڭعى 5 جىلدا مەملەكەتتٸك بيۋدجەت تٷسٸمدەرٸ (قاڭتار-ماۋسىم) 2,1 ترلن تەڭگەگە نەمەسە 66,8 پايىزعا ارتتى. بۇل رەتتە اعىمداعى جىلدىڭ بٸرٸنشٸ جارتىجىلدىعى سوڭعى 5 جىلدىڭ ٸشٸندەگٸ ەڭ كٸرٸستٸ كەزەڭ بولىپ وتىر. 6 ايداعى مەملەكەتتٸك بيۋدجەتتٸڭ ورتاشا كٸرٸسٸ 8,8 پايىزدىق قارقىنمەن تۇراقتى ٶسٸپ كەلەدٸ», - دەلٸنگەن حابارلامادا.
سالىق تٷسٸمدەرٸ قۇرىلىمىنداعى نەگٸزگٸ كٸرٸس كٶزدەرٸ - تاۋلارلار, جۇمىستار مەن قىزمەتتەرگە ارنالعان ٸشكٸ سالىقتار. ول جىل باسىنان بەرگٸ التى ايدىڭ ٸشٸندە 1,4 ترلن تەڭگەنٸ قۇرادى. تابىس سالىعىنىڭ تٷسٸمٸ 1,2 ترلن تەڭگە بولدى. بۇل وسىدان بٸر جىل بۇرىنعى كٶرسەتكٸشتەن 6,5 پايىزعا ارتىق. بۇل كەسٸپورىندار مەن قىزمەتكەرلەردٸڭ تابىسى ٶسكەندٸگٸن كٶرسەتەدٸ.
حالىقارالىق ساۋدا مەن ٸشكٸ وپەراتسييالاردىڭ جيىنتىق سالىعى 619,4 ملرد تەڭگەنٸ (بٸر جىل بۇرىن 529,7 ملرد تەڭگە بولعان ەدٸ) قۇرادى.
.jpeg)