Foto: pexels.com
Sinoptikter 24-26 tamyz kúnderi Qazaqstanda aýa raiy qandai bolatyny týraly boljam jasady, - dep habarlaidy "Ult aqparat".
Meteorologtar málimetinshe, aldaǵy úsh kúnde respýblikanyń basym bóliginde aýa-raiynyń turaqsyz sipaty saqtalady. Naizaǵai oinap, qatty jel soǵyp, jańbyr jaýady, sondai-aq burshaq jaýýy múmkin.
Elimizdiń batysynda, soltústik-batysynda, soltústiginde jáne shyǵysynda qatty jańbyr men aýa temperatýrasynyń birtindep tómendeýi boljanyp otyr.
Aýa temperatýrasynyń eń joǵary tómendeýi respýblikanyń soltústik óńirlerinde kútiledi, soltústiktegi aýa temperatýrasy túngi ýaqytta 7-12 gradýs jylyǵa deiin, kúndiz 17-22 gradýs jylyǵa deiin tómendeidi. Tek Qazaqstannyń ońtústigi men ońtústik-shyǵysynda temperatýralyq fonda aitarlyqtai ózgerister kútilmeidi jáne aýa raiy negizinen jaýyn-shashynsyz bolady dep boljanady.
