Qazaqstan óńirleriniń bárine otandyq óndiristen shyqqan tsifrlyq rentgen apparattary beriledi. Olardyń qashan jetkiziletinin Densaýlyq saqtaý ministri Aleksei Tsoi aityp berdi, dep habarlaidy "Ult aqparat".
«Halyq úshin diagnostikalyq qyzmetterdiń qoljetimdi bolýy úshin pandemiia ýaqytynda oblys ákimdikteri otandyq óndiristen shyqqan tsifrlyq rentgen apparattaryn satyp alyp jatyr. Osy apparattyń alǵashqy 24-i 20 qazanǵa deiin deiin Qostanai, Aqmola, Túrkistan oblystaryna jetkiziledi. Qalǵan óńirlerdiń bárine apparat 30 qazanǵa deiin jetkiziledi», - dedi Aleksei Tsoi OKQ-da ótken baspasóz máslihatynda.
Onyń aitýynsha, meditsinalyq qyzmetti jaqsartýdyń taǵy bir talaby – alystaǵy eldimekender úshin kóliktik meditsinany damytý.
«Búgingi kúni kóshpeli meditsina keshenderiniń 28 danasy ázirlendi. Onyń bir bóligi Qostanai qalasyna jetkizildi. Qalǵan keshender aimaqtarǵa taratylady. Kelisimshartqa sáikes olar eldimekenderge 20 qazanda jetkiziledi», - dedi ol.
