Qazaqstan Áskeri-teńiz kúshteriniń áskeri qyzmetshileri Armiia halyqaralyq oiyndary aiasynda ótetin «Teńiz kýbogy-2021» konkýrsyna qatysady, dep habarlaidy "Ult aqparat".
«Bul konkýrsqa qatysý úshin negizgi jáne rezervtegi kemeler belgilendi. «Saryarqa» zymyran-artilleriialyq kemesi – negizgi, al «Mańǵystaý» – rezervtegi keme retinde belgilendi.
Daiarlyq kezinde áskeri qyzmetshiler áýe jáne sýústi shartty nysanalaryn is júzinde atýdy oryndaidy. Júzýshiler qutqarý quraldaryn qoldaný kezeńine daiyndalýda. Kemeniń myqtylyǵyn kórsetý jolyndaǵy kúreske erekshe nazar aýdarylady», - dedi QR Qorǵanys ministrliginiń baspasóz qyzmetinen.
«Teńiz kýbogy» baiqaýy 2015 jyldan bastap ótkiziledi. Elimizdiń áskeri teńizshileri 2015, 2016 jáne 2018 jyldary konkýrstyń kúmis júldegerleri atanyp, 2017 jáne 2019 jyldary – úshinshi oryn ielengen bolatyn.
Biyl halyqaralyq konkýrs Iranda ótedi.
