QR Qarýly Kúshteriniń áskeri bólimderinde qurylǵan 19 sailaý ýchaskesinde daýys berý merziminen buryn aiaqtaldy. Bul týraly Qorǵanys ministrliginen málim etti, dep habarlaidy "Ult aqparat".
«Ofitserler men kelisimshart boiynsha áskeri qyzmetshiler turǵylyqty jerleri boiynsha sailaý ýchaskelerinde daýys beredi. Merzimdi qyzmettegi áskeri qyzmetshiler jáne áskeri oqý oryndarynyń kýrsanttary úshin áskeri bólimder men mekemelerde 19 sailaý ýchaskesi qurylǵan bolatyn.
Zań boiynsha bul ýchaskeler 1 saǵatqa erte ashylyp, tizimge engizilgen barlyq sailaýshylar daýys bergen soń jumystaryn erte aiaqtai aldy.
Osy ýaqytqa deiin barlyq 19 sailaý ýchaskesinde daýys berý aiaqtaldy», - dedi ministrlikten.
Málim etilgendei, búgin júzdegen áskeri qyzmetshi alǵash ret sailaýǵa qatysqan.
«Búgin birinshi ret depýtattar sailaýyna qatystym. Sailaýǵa kelý – tek quqyǵymyz ǵana emes, árbirimizdiń mindetimiz. Daýys berý arqyly biz bolashaǵymyzǵa tańdaý jasaimyz», - dedi tank brigadasynyń mehanik júrgizýshisi, qatardaǵy jaýynger Rústam Núrkeev.
