Búgin Qazaqstannyń birqatar óńirinde aýa raiynyń qolaisyz qubylystary kútiledi, dep habarlaidy ult.kz Qazaqstan Respýblikasy Tótenshe jaǵdailar ministrligine silteme jasap.
Vedomstvonyń málimetinshe, Abai, Jetisý, Almaty, Shyǵys Qazaqstan, Túrkistan, Jambyl, Qyzylorda, Atyraý, Mańǵystaý, Aqtóbe jáne Qaraǵandy oblystarynda joǵary jáne tótenshe órt qaýpi saqtalady.
Sonymen qatar Abai, Jetisý, Ulytaý, Almaty, Shyǵys Qazaqstan, Túrkistan, Jambyl jáne Atyraý oblystarynda qatty ystyq bolady dep boljanýda.
Al Qostanai, Pavlodar, Soltústik Qazaqstan, Aqmola, Shyǵys Qazaqstan, Qaraǵandy, Aqtóbe jáne Almaty oblystarynda jańbyr jaýyp, naizaǵai oinap, burshaq túsýi múmkin. Sondai-aq ekpindi jel soǵady dep kútiledi.
Tótenshe jaǵdailar ministrligi turǵyndardy aýa raiy boljamyn qadaǵalap, qaýipsizdik sharalaryn saqtaýǵa shaqyrady. Ásirese órt qaýpi joǵary aimaqtarda ashyq ot jaqpaýdy, al qolaisyz aýa raiy kezinde alys jolǵa shyqqanda saq bolýdy eskertti.
