Qazaqstannan shetel azamattary asyrap alǵan balalardyń jalpy sany 8 805-ke jetti. Bul týraly «QazAqparattyń» resmi saýalyna QR BǴM Balalardyń quqyqtaryn qorǵaý komiteti joldaǵan jaýapta habarlandy.
«Al 2011 jyly shetel azamattarynyń bala asyrap alý rásiminiń mehanizmi qarastyrylatyn «Neke (erli-zaiyptylyq) jáne otbasy týraly» QR Kodeksi qabyldandy. Kodeks qabyldanǵannan keiin (sheteldik agenttikterdi akkreditatsiialaý arqyly) elimizde barlyǵy 125 bala asyrap alyndy»,-dep atap ótilgen komitet málimetinde.
«Neke (erli-zaiyptylyq) jáne otbasy týraly» Kodeks pen «Balalardy qorǵaý jáne balany sheteldikter asyrap alýǵa qatysty yntymaqtastyq týraly konventsiiany ratifikatsiialaý týraly» QR Zańy qabyldanǵanǵa deiin respýblikamyzda bala asyrap alý kúshi joiylǵan «Neke jáne otbasy» zańynyń talaptaryna sáikes júzege asyrylatyn.
Qabyldanǵan Kodekstiń talaptaryna sáikes qazaqstandyq azamattardyń bala asyrap alý protsedýrasynyń jeńildetilýimen birge qazaqstandyq balalardy asyrap alǵysy keletin sheteldikter úshin bala asyrap alý protsedýrasy kúsheitildi.
Osy jyldyń sáýir aiynda qabyldanǵan «Qazaqstan Respýblikasynyń keibir zańnamalyq aktilerine balanyń quqyqtaryn qorǵaý máseleleri boiynsha ózgerister men tolyqtyrýlar engizý týraly» QR Zańymen bala asyrap alý jónindegi agenttikterge qoiylatyn talaptar kúsheitildi.
Eger agenttik óziniń akkreditatsiiasynan aiyrylǵan jaǵdaida quzyrly sheteldik memlekettik organdarǵa asyrap alynǵan balalar týraly esepti usyný mindetteri júkteledi, sondai-aq asyrap alynǵan balalarǵa qatysty oryn alǵan barlyq qaiǵyly oqiǵalar, jaǵdailar men zorlyq-zombylyq týraly dereý habarlaý qajettigi mindetteledi.
