Búgin «Nur Otan» partiiasy saiasi keńesiniń keńeitilgen otyrysy ótti. Aýqymdy sharaǵa ishki saiasat pen bilikke qatysty birqatar mańyzdy dúnieler qozǵalyp, sheshimder qabyldandy. Osy oraida aitýly saiasi oqiǵaǵa qatysty QR Prezidenti janyndaǵy Qazaqstan strategiialyq zertteýler institýtynyń Áleýmettik-saiasi zertteýler bóliminiń basshysy Indira Rystina óz pikirin bildirdi, dep habarlaidy QazAqparat tilshisi.
«Nur Otan» partiiasynyń saiasi keńesiniń otyrysynda Elbasy biraz máseleni qozǵady. Sol máselelerdiń basty túiini retinde memlekette birizdilik saiasatynyń saqtalýy jáne beibit ómir súrý kerektigi aityldy. Sondai-aq, Elbasy pandemiia kezindegi qiynshylyqty halyqtyń bilikpen birge eńserip kele jatqandyǵyna erekshe toqtalyp ótti. Jáne de halyqaralyq arenadaǵy saiasi kúshterdiń transformatsiiasyna bailanysty Qazaqstannyń kópvektorly saiasat ustaný kerektigin alǵa tartty», - dedi Indira Rystina.
Sarapshynyń aitýynsha, elimiz óziniń syrtqy saiasatqa qatysty ustanymyn ózgertpeýi tiis.
«Odan bólek, Nursultan Nazarbaev 40-50 jyldyń ishinde kóptegen jetistikterge qol jetkize alatyndyǵymyzǵa senim bildirdi. Sol jetistiktermen qatar eldegi beibitshilik pen turaqtylyq ta qatar damýy tiis. Elbasy atap ótken basty tezisterdi júzege asyrýdyń qadamy retinde, saiasi bilik tranzitiniń beibit túrde ótýine kýá bolyp otyrmyz. Onyń dáleli Elbasy «Nur Otan» partiiasynyń tóraǵalyǵyn Prezidentke berip otyr. Partiia tizginin Prezidenttiń alýy el bileý saiasatynyń birizdilikpen jalǵasýynyń belgisi», - deidi ol.
Aita keteiik, búgin elordada «Nur Otan» partiiasy saiasi keńesiniń keńeitilgen otyrysy ótti.
Atalǵan jiynda Elbasy Nursultan Nazarbaev «Nur Otan» partiiasynyń Tóraǵasy ókilettigin Prezidentke tapsyratyndyǵyn jetkizdi.
