Qazaqstanda iri munai operatorlary birlesken jol kartasy bekitti. Bul týraly QR Indýstriia jáne infraqurylymdyq damý ministri Beibit Atamqulov Úkimet otyrysynda málim etti, dep habarlaidy QazAqparat.
«Iri munai operatorlary (TShO, KPO, NCOC) birlesken jol kartasyn bekitti. Ol jerde ulttyq standarttardy beiimdeý máselesi, tenderlik rásimderge qazaqstandyq óndirýshilerdi qoldaý mehanizmderiniń iri operatorlaryn engizý qarastyrylǵan. Sonymen qatar 2025 jylǵa deiin jergilikti qamtýdy ulǵaitý jáne munai-gaz jabdyqtarynyń 5 óndirisin oqshaýlaý sharasy qolǵa alynady», - dedi Beibit Atamqulov.
Ministrdiń aitýynsha, elimizge importtalatyn 1 myńnan astam taýarǵa taldaý jasaldy.
«Búginde munai-gaz mashinasyn jasaýdy damytýdyń halyqaralyq ortalyǵynyń jumysy bastaldy. Atalǵan ortalyq iri operatorlarmen (TShO, KPO, NCOC) birlesip, tehnologiialardy oqshaýlaýǵa jáne transfertteýge kiristi. Elimizge importtalatyn 1 200-den astam taýarǵa taldaý júrgizildi. Oqshaýlaý úshin 3 taýar toby irikteldi (tiek armatýrasy, elektr tehnikalyq jabdyqtar jáne baqylaý-ólsheý aspaptary jáne avtomatika). Sondai-aq, ortalyqqa jyl sońyna deiin investitsiialyq jobalar men óndiristerdi oqshaýlar boiynsha usynystar jasaý men otandyq óndirýshilerdiń qyzmetindegi kedergilerdi anyqtaý mindetteldi», - deidi ol.
