Elimizdegi gaz qubyrlarynyń 75 paiyzy tozǵan. Bul týraly búgin Senattaǵy Úkimet saǵatynda Energetika ministri Bolat Aqsholaqov aitty, dep habarlaidy QazAqparat.
«Energetika ministrligi men QazaqGaz ulttyq kompaniiasynyń taǵy bir mindeti – magistraldyq gaz qubyrlaryn jańǵyrtý. Negizgi gaz tasymaldaý infraqurylymy jalpy keńes zamanynda salynǵan jáne qaýipsiz paidalanýdy qamtamasyz etý úshin úlken investitsiiany qajet etedi. Qazirgi ýaqytta birqatar gaz qubyry tolyq qýatta jumys isteidi jáne otandyq gazdy el tutynýshylaryna turaqty jetkizýdi qoldaý úshin jańa qýattar salý qajet. Mysaly, magistraldyq gaz qubyrlarynyń 21 paiyzy 50 jyldan astam, 50 paiyzǵa jýyǵy 40 jyldan astam ýaqyt boiy paidalanylýda. Jalpy, tozýdyń ortasha deńgeii 75 paiyzdan asady», - dedi ol.
Ministrdiń aitýyna qaraǵanda, elimizdiń gaz tasymaldaý júiesin jańǵyrtýǵa jáne keńeitýge eleýli qarajat salý kerek.
«Búgingi tańda gaz qubyrlarynyń aǵymdaǵy jai-kúiin rastaý úshin QazaqGaz ulttyq kompaniiasy «ILF Consulting» halyqaralyq aýditorlyq kompaniiasyn tartyp, tehnikalyq aýdit júrgizýde. Onyń nátijesinde gaz tasymaldaý júiesin jańǵyrtýǵa qajetti qarajat mólsheri anyqtalady», - dedi Bolat Aqsholaqov.
