Elimizdegi beibitshilik pen kelisim álimniń barsha halyqtary úshin úlgi. Alǵys aitý kúnine orai belgili sportshy Sergei Tsyrýlnikov oyndai pikir bildirdi, dep habarlaidy QazAqparat.
«Meniń túsinigimde Alǵys aitý kúni – ol Qazaqstanda turatyn etnostardyń qazaq halqyna erekshe qurmetin bildiredi. Reformalar men jer aýdartý kezeńinde qazaqtar ózderi qiyn jaǵdaida bola tura, ózge ult ókilderin qabyldaǵany úshin qazaq halqyna rizashylyǵymyz sheksiz. Sondyqtan etnostar osyny este saqtap, qazaqtardyń baýyrmaldyǵyn umytpaýy kerek. Álem elderine jii saiahattap baramyn, sonyń ishinde Reseige de baryp turamyn. Onda qazaq halqynyń qonaqjailylyǵyn áli de umytpaǵan. Groznyiǵa barǵanymda sheshender náýbet jyldardaǵy Qazaqstanda kórgen meirimdilikti umytpaityndaryn aityp jatty. Sondyqtan qazaqstandyqtar osynyń barlyǵyn jadymyzǵa saqtap, qazaq halqyna alǵys aitamyz», - dedi S.Tsyrýlnikov.
Tanymal sportshy Alǵys aitý kúnin belgileý boiynsha Elbasy Nursultan Nazarbaevtyń bastamasyna qoldaý kórsetý aiasynda atalǵan dataǵa orai eki is-sharany uiymdastyrmaq.
«Elimizdiń eń úlken bailyǵy - ol bárinen buryn, bizdiń birligimiz. Beibitshilik pen kelisim basty qundylyǵymyz. Osy oraida Tuńǵysh Prezidenttiń bastamasymen qurylǵan Qazaqstan halqy Assambleiasy basqa elder úshin úlgi bolyp turǵany kezdeisoq emes. Mysaly, Reseide bizdiń Assambleiaǵa uqsas Resei halyqtary Assambleiasy bar. Elimizdegi beibitshilik pen kelisim álimniń barsha halyqtary úshin úlgi bolyp turǵanyn bilemiz», - dedi Sergei Tsyrýlnikov.
.jpeg)