Elimizdegi áýejailar biylǵy 8 aida shamamen 6,2 mln jolaýshyǵa qyzmet kórsetti, dep habarlaidy "Ult aqparat".
IIDM Baspasóz qyzmetiniń málimetinshe, bul kórsetkish ótken jylǵydan (11,8 mln. adam) 47% az.
«Osy kezeńde 3,2 mln jolaýshy tasymaldandy. Bul kórsetkish te ótken jyldyń sáikes kezeńimen (5,6 mln jolaýshy) salystyrǵanda 43% tómen. Buǵan álemde koronavirýs infektsiiasynyń taralýyna bailanysty Qazaqstan aýmaǵynda áýe reisterin oryndaýǵa engizilgen shekteý áser etti», delingen habarlamada.
Qazirgi ýaqytta ishki reister, sonymen qatar Ońtústik Koreia, Niderlandy, Birikken Arab Ámirlikteri, Germaniia, Túrkiia, Belarýs, Ýkraina, Ózbekstan, Qyrǵyzstan, Egipet jáne Resei siiaqty 11 elge tikelei halyqaralyq jolaýshylar reisi oryndalýda.
Barlyq reister QR Kóliktegi Bas sanitarlyq dárigeriniń qaýlysyna sáikes sanitarlyq-epidemiologiialyq qaýipsizdiktiń sharalaryn qatań saqtai otyryp, oryndalady.
«Elimizdiń barlyq áýejailarynda dezinfektsiialyq jumystar júrgizilýde. Qoldy óńdeýge arnalǵan sanitaizerler ornatylyp, karantin sharalary (áleýmettik qashyqtyq, betperde taǵý, qolǵap kiiý) saqtalady. Áýejai ǵimarattaryna kireberiste jolaýshylar men áýejai qyzmetkerleri arasynda qashyqtyq saqtap, termometriia ólsheý júrgiziledi», delingen habarlamada.
