2019 jyly elimizdegi tórt aqyly ýchaskeden 5 389 mln teńge qarajat túsken, dep habarlaidy "Ult aqparat" QazAvtoJolǵa silteme jasap.
Búgingi kúni elimizde jalpy uzyndyǵy 682 shaqyrymdy quraityn 4 aqyly ýchaske bar. Bul Nur-Sultan-Shýchinsk, Nur-Sultan-Temirtaý, Almaty-Qapshaǵai jáne Almaty-Qorǵas avtojoldary.
Aqyly ýchaskelerdegi tólemaqy mólsheri Qazaqstan Respýblikasy Indýstriia jáne infraqurylymdyq damý ministriniń buiryǵymen, avtokóliktiń júk kótergishtigine bailanysty bekitilgen. Ótkizý pýnktinde keptelisti boldyrmas úshin aldyn-ala tólem júiesi engizilgen. Jeńil avtokólikter úshin arnaiy differentsialdy tarif te bar. Iaǵni, aldyn-ala tólem jasaǵan avtokólikterdiń tólemaqysy eki ese arzan. Sondai-aq, aqyly avtojoldyń mańaiyndaǵy eldi mekenderde tirkelgen avtokólikterge quny 1000 teńgeni quraityn 1 jyldyq abonement qarastyrylǵan.
2019 jyldyń qorytyndysy boiynsha tórt aqyly ýchaskeden jinalǵan qarajat 5 389 mln teńgeni qurady. Onyń ishinde: «Nur-Sultan-Temirtaý» - 1 729 mln teńge, «Nur-Sultan-Shýchinsk» - 1 700 mln teńge, «Almaty-Qorǵas» - 988 mln teńge jáne «Almaty-Qapshaǵai» 972 mln teńge. Sondai-aq, bir jyl ishinde (2019 jyly) barlyq aqyly ýchaske boiynsha 10,5 mln avtokólik júrip ótken.
Osylaisha, jinalǵan 5 389 mln teńge jáne 77,8 mln teńge kólemindegi qosymsha tabys tómendeglerge jumsaldy:
- 2 690,1 mln teńge avtojoldy kútip-ustaý jáne jóndeýge;
- 1 401,3 mln teńge baǵdarlamalyq-apparattyq keshendi kútip-ustaýǵa;
- 594,6 mln teńge qosymsha qun salyǵy men korporativtik tabys salyǵyna;
- 14,2 mln teńge qosymsha shyǵyndarǵa;
- 543,4 mln teńge jol-paidalaný tehnikasy men tólem qabyldaý pýnktine qajetti jabdyqtarǵa;
- shyǵynnan artylǵan 223,2 mln.teńge kólemindegi qarajat respýblikalyq biýdjetke aýdaryldy.
2019 jyly baǵdarlamalyq-apparattyq keshendi jóndeý jáne kútip-ustaý, sondai-aq, «Nur-Sultan-Shýchinsk» aqyly avtojolyn jóndeý jáne kútip-ustaý boiynsha jumystardy «Aqyly avtomobil joldary Direktsiiasy» filialy júrgizdi. Al, «Nur-Sultan-Temirtaý», «Almaty-Qapshaǵai» jáne «Almaty-Qorǵas» ýchaskesindegi jumystardy «Qazaqavtojol» JShS merdiger uiymy júzege asyrǵan.
