2019 جىلى ەلٸمٸزدەگٸ تٶرت اقىلى ۋچاسكەدەن 5 389 ملن تەڭگە قاراجات تٷسكەن, دەپ حابارلايدى "ۇلت اقپارات" قازاۆتوجولعا سٸلتەمە جاساپ.
بٷگٸنگٸ كٷنٸ ەلٸمٸزدە جالپى ۇزىندىعى 682 شاقىرىمدى قۇرايتىن 4 اقىلى ۋچاسكە بار. بۇل نۇر-سۇلتان-ششۋچينسك, نۇر-سۇلتان-تەمٸرتاۋ, الماتى-قاپشاعاي جەنە الماتى-قورعاس اۆتوجولدارى.
اقىلى ۋچاسكەلەردەگٸ تٶلەماقى مٶلشەرٸ قازاقستان رەسپۋبليكاسى يندۋسترييا جەنە ينفراقۇرىلىمدىق دامۋ مينيسترٸنٸڭ بۇيرىعىمەن, اۆتوكٶلٸكتٸڭ جٷك كٶتەرگٸشتٸگٸنە بايلانىستى بەكٸتٸلگەن. ٶتكٸزۋ پۋنكتٸندە كەپتەلٸستٸ بولدىرماس ٷشٸن الدىن-الا تٶلەم جٷيەسٸ ەنگٸزٸلگەن. جەڭٸل اۆتوكٶلٸكتەر ٷشٸن ارنايى ديففەرەنتسيالدى تاريف تە بار. ياعني, الدىن-الا تٶلەم جاساعان اۆتوكٶلٸكتەردٸڭ تٶلەماقىسى ەكٸ ەسە ارزان. سونداي-اق, اقىلى اۆتوجولدىڭ ماڭايىنداعى ەلدٸ مەكەندەردە تٸركەلگەن اۆتوكٶلٸكتەرگە قۇنى 1000 تەڭگەنٸ قۇرايتىن 1 جىلدىق ابونەمەنت قاراستىرىلعان.
2019 جىلدىڭ قورىتىندىسى بويىنشا تٶرت اقىلى ۋچاسكەدەن جينالعان قاراجات 5 389 ملن تەڭگەنٸ قۇرادى. ونىڭ ٸشٸندە: «نۇر-سۇلتان-تەمٸرتاۋ» - 1 729 ملن تەڭگە, «نۇر-سۇلتان-ششۋچينسك» - 1 700 ملن تەڭگە, «الماتى-قورعاس» - 988 ملن تەڭگە جەنە «الماتى-قاپشاعاي» 972 ملن تەڭگە. سونداي-اق, بٸر جىل ٸشٸندە (2019 جىلى) بارلىق اقىلى ۋچاسكە بويىنشا 10,5 ملن اۆتوكٶلٸك جٷرٸپ ٶتكەن.
وسىلايشا, جينالعان 5 389 ملن تەڭگە جەنە 77,8 ملن تەڭگە كٶلەمٸندەگٸ قوسىمشا تابىس تٶمەندەگلەرگە جۇمسالدى:
- 2 690,1 ملن تەڭگە اۆتوجولدى كٷتٸپ-ۇستاۋ جەنە جٶندەۋگە;
- 1 401,3 ملن تەڭگە باعدارلامالىق-اپپاراتتىق كەشەندٸ كٷتٸپ-ۇستاۋعا;
- 594,6 ملن تەڭگە قوسىمشا قۇن سالىعى مەن كورپوراتيۆتٸك تابىس سالىعىنا;
- 14,2 ملن تەڭگە قوسىمشا شىعىندارعا;
- 543,4 ملن تەڭگە جول-پايدالانۋ تەحنيكاسى مەن تٶلەم قابىلداۋ پۋنكتٸنە قاجەتتٸ جابدىقتارعا;
- شىعىننان ارتىلعان 223,2 ملن.تەڭگە كٶلەمٸندەگٸ قاراجات رەسپۋبليكالىق بيۋدجەتكە اۋدارىلدى.
2019 جىلى باعدارلامالىق-اپپاراتتىق كەشەندٸ جٶندەۋ جەنە كٷتٸپ-ۇستاۋ, سونداي-اق, «نۇر-سۇلتان-ششۋچينسك» اقىلى اۆتوجولىن جٶندەۋ جەنە كٷتٸپ-ۇستاۋ بويىنشا جۇمىستاردى «اقىلى اۆتوموبيل جولدارى ديرەكتسيياسى» فيليالى جٷرگٸزدٸ. ال, «نۇر-سۇلتان-تەمٸرتاۋ», «الماتى-قاپشاعاي» جەنە «الماتى-قورعاس» ۋچاسكەسٸندەگٸ جۇمىستاردى «قازاقاۆتوجول» جشس مەردٸگەر ۇيىمى جٷزەگە اسىرعان.
