QR Eńbek jáne halyqty áleýmettik qorǵaý ministrligi QR Densaýlyq saqtaý ministrligimen birlesip qamqorlyqtaǵy adamdardyń egde adamdar men múgedektigi bar adamdarǵa arnalǵan meditsinalyq-áleýmettik mekemelerge, sondai-aq ýaqytsha bolý uiymdaryna barýyna tyiym salady, dep habarlaidy "Ult aqparat".
«Bul shara uiymdarda koronavirýstyq infektsiianyń taralýyna jol bermeý maqsatynda qabyldanýda. Áleýmettik mekemeler qyzmet kórsetýdi jalǵastyrady. Mekemelerde sanitarlyq-dezinfikatsiialyq rejim kúsheitiledi. Atap aitqanda, qyzmetkerler men qamqorlyqtaǵy adamdardy maskalarmen, antiseptikalyq quraldarmen, qolǵaptarmen jáne basqa da qorǵanys quraldarymen qamtamasyz etiledi. Qamqorlyqtaǵylardyń qatysýymen uiymdar ishinde de, olardan tys ta buqaralyq sporttyq jáne mádeni is-sharalar ótkizilmeitin boldy», - dep habarlaidy Eńbek jáne halyqty áleýmettik qorǵaý ministrliginen.
Sondai-aq, respýblikadaǵy epidemiologiialyq jaǵdai turaqtanǵanǵa deiin sanatoriialyq-kýrorttyq emdeý qyzmetin kórsetýdi toqtata turý usynyldy. Bul sharalar Qazaqstanda tótenshe jaǵdai aiaqtalǵanǵa deiin jalǵasady.
«Budan basqa, jeke kómekshiler men ymdaý tili mamandary kórsetken qyzmetter boiynsha qujattardy (oryndalǵan jumystar aktisi, súiemeldeý paraqtary) qabyldaý elektrondyq formatta júzege asyrylady», - delingen habarlamada.
Esterińizge sala keteiik elimizde 24410 adamǵa qyzmet kórsetetin 113 meditsinalyq-áleýmettik mekeme jumys isteidi.
