قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ قر دەنساۋلىق ساقتاۋ مينيسترلٸگٸمەن بٸرلەسٸپ قامقورلىقتاعى ادامداردىڭ ەگدە ادامدار مەن مٷگەدەكتٸگٸ بار ادامدارعا ارنالعان مەديتسينالىق-ەلەۋمەتتٸك مەكەمەلەرگە, سونداي-اق ۋاقىتشا بولۋ ۇيىمدارىنا بارۋىنا تىيىم سالادى, دەپ حابارلايدى "ۇلت اقپارات".
«بۇل شارا ۇيىمداردا كوروناۆيرۋستىق ينفەكتسييانىڭ تارالۋىنا جول بەرمەۋ ماقساتىندا قابىلدانۋدا. ەلەۋمەتتٸك مەكەمەلەر قىزمەت كٶرسەتۋدٸ جالعاستىرادى. مەكەمەلەردە سانيتارلىق-دەزينفيكاتسييالىق رەجيم كٷشەيتٸلەدٸ. اتاپ ايتقاندا, قىزمەتكەرلەر مەن قامقورلىقتاعى ادامداردى ماسكالارمەن, انتيسەپتيكالىق قۇرالدارمەن, قولعاپتارمەن جەنە باسقا دا قورعانىس قۇرالدارىمەن قامتاماسىز ەتٸلەدٸ. قامقورلىقتاعىلاردىڭ قاتىسۋىمەن ۇيىمدار ٸشٸندە دە, ولاردان تىس تا بۇقارالىق سپورتتىق جەنە مەدەني ٸس-شارالار ٶتكٸزٸلمەيتٸن بولدى», - دەپ حابارلايدى ەڭبەك جەنە حالىقتى ەلەۋمەتتٸك قورعاۋ مينيسترلٸگٸنەن.
سونداي-اق, رەسپۋبليكاداعى ەپيدەميولوگييالىق جاعداي تۇراقتانعانعا دەيٸن ساناتورييالىق-كۋرورتتىق ەمدەۋ قىزمەتٸن كٶرسەتۋدٸ توقتاتا تۇرۋ ۇسىنىلدى. بۇل شارالار قازاقستاندا تٶتەنشە جاعداي اياقتالعانعا دەيٸن جالعاسادى.
«بۇدان باسقا, جەكە كٶمەكشٸلەر مەن ىمداۋ تٸلٸ ماماندارى كٶرسەتكەن قىزمەتتەر بويىنشا قۇجاتتاردى (ورىندالعان جۇمىستار اكتٸسٸ, سٷيەمەلدەۋ پاراقتارى) قابىلداۋ ەلەكتروندىق فورماتتا جٷزەگە اسىرىلادى», - دەلٸنگەن حابارلامادا.
ەستەرٸڭٸزگە سالا كەتەيٸك ەلٸمٸزدە 24410 ادامعا قىزمەت كٶرسەتەتٸن 113 مەديتسينالىق-ەلەۋمەتتٸك مەكەمە جۇمىس ٸستەيدٸ.
