1 mamyrdaǵy jaǵdai boiynsha 152,3 myń otbasyndaǵy 749,8 myń adamǵa ataýly áleýmettik kómek taǵaiyndaldy. Biyl osy maqsatqa biýdjetten 122,8 mlrd teńge bólindi, dep habarlaidy "Ult aqparat".
Eńbek jáne halyqty áleýmettik qorǵaý ministrliginiń málimetinshe, AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deiingi balalaryn kepildik berilgen áleýmettik toptamamen qamtamasyz etý boiynsha jumys júrgizilip jatyr.
1 mamyrda AÁK alýshylar qataryndaǵy 1 jastan 6 jasqa deiingi 181,8 myń bala azyq-túlik jáne turmystyq himiia jiyntyǵy túrinde áleýmettik toptama taǵaiyndaldy.
Esterińizge sala keteiik, 112,4 myń otbasyndaǵy 570,5 myń qazaqstandyqqa 1 mamyrǵa ataýly áleýmettik kómek taǵaiyndaý memlekettik instantsiiaǵa júginbei-aq avtomatty túrde uzartyldy.
AÁK alýshylarǵa budan buryn, 2020 jylǵy II,III jáne IV toqsanda TJ rejimi men karantin sharalarynyń qoldanylýyna bailanysty kómek taǵaiyndaýǵa ótinish uzartyldy.
