Elimizde jeti oblys aýmaǵynda qolaisyz aýa raiyna bailanysty eskertý jariialandy, dep habarlaidy "Ult aqparat" Qazgidrometke silteme jasap.
27 qazanda kúndiz jáne tańerteń Jambyl oblysynyń kei jerlerinde ońtústik-batys, batystan jel soǵady. Jyldamdyǵy 23-28 m/s jetedi, oblystyń ońtústik-batysynda 30 m/s asyp ketýi yqtimal.
27 qazanda táýlik boiy, 28 qazanda túnde Soltústik Qazaqstan oblysynda jaýyn-shashyn túsedi, kei jerlerde qatty jańbyr jaýyp arty qarǵa ulasady. 27-28 qazanda táýlik boiy kei jerlerde tuman túsip, kóktaiǵaq bolady, jaiaý burqasyn soǵýy múmkin. Ońtústik-batystan soǵatyn jel soltústik-batysqa aýysady, 15-20, ekpini 23-28 m/s jetýi yqtimal.
27-28 qazanda Petropavlda kóktaiǵaq bolady, jaiaý burqasyn soǵady. Ońtústik-batystan soǵatyn jel soltústik-batysqa aýysady kúshi 15-20 m/s, 27 qazanda kúndiz, 28 qazanda túnde ekpini 23-28 m/s jetedi.
27 qazanda Qaraǵandy oblysynyń kei jerlerinde tuman túsip, kóktaiǵaq bolýy múmkin. Ońtústik-batystan jel soǵady, túnde kei jerlerde kúshi 15-20, kúndiz kúshi 15-20, kei jerlerde ekpini 23-28 m/s jetedi.
27 qazanda Qaraǵandy qalasynda ońtústik-batystan jel soǵady, ekpini 15-20 m/s jetedi.
27 qazanda Jezqazǵan qalasynda ońtústik-batystan jel soǵady, ekpini 15-20 m/s jetedi.
27 qazanda Aqtóbe oblysynda kei jerlerinde tuman túsip, kóktaiǵaq bolady, soltústikten, soltústik-batystan jel soǵady 15-20, kúndiz ekpini 23 m/s jetedi.
Aqtóbe qalasynda 27 qazanda kóktaiǵaq, soltústik-batystan jel soǵady, jeldiń ekpini 15-20 m/s jetedi.
27 qazanda Qyzylorda oblysynda soltústik-batystan jel soǵady, kúshi kei jerlerde 15-20 m/s jetedi, kúndiz ekpini 23 m/s bolady.
Qyzylorda qalasynda 27 qazanda soltústik-batystan jel soǵady, kúndiz ekpini 15-20 m/s jetedi.
27 qazanda Aqmola oblysynda jaýyn-shashyn, kei jerlerde jańbyr, qalyń qar jaýady. Tuman, kóktaiǵaq bolady, jaiaý burqasyn soǵady. Ońtústik-batystan soqqan jel soltústik-batysqa aýysady, kúshi 15-20, ekpini 23-28 m/s jetedi.
Kókshetaý qalasynda 27 qazanda kei kezderi tuman túsip, kóktaiǵaq bolýy múmkin. Ońtústik-batystan soqqan jel soltústik-batysqa aýysady, kúshi 15-20 m/s jetedi.
27 qazanda túnde Shyǵys Qazaqstan oblysynyń kei jerlerinde tuman túsedi, kóktaiǵaq bolýy múmkin. Ońtústik-shyǵystan soǵatyn jel ońtústik-batysqa aýysady, túnde kúshi kei jerlerde 15-20, kúndiz basym bóliginde 15-20, ekpini 23-28 m/s jetedi.
Erteń Óskemende ońtústik-shyǵystan soǵatyn jeldiń ekpini 15-20 m/s jetedi.
Semeide 27 qazanda ońtústik- shyǵystan soǵatyn jel ońtústik-batysqa aýysady, ekpini 15-20 m/s jetedi.
