Qazaqstanda kómirsýtek boiynsha jer qoinaýyn paidalanýǵa arnalǵan 281 kelisimshart bar. Bul týraly QR Energetika vitse-ministri Ashat Hasenov málim etti, dep habarlaidy QazAqparat.
«Búgingi tańda kómirsýtek boiynsha jer qoinaýyn paidalanýǵa arnalǵan 281 kelisimshart jasaldy. Onyń ishinde barlaý boiynsha 40 kelisimshart, barlaý men óndirý - 135, tek óndirý – 96 jáne ónimdi bólý týraly 10 kelisimshart bar. 2020 – 2021 jyldary jer qoinaýyn paidalaný boiynsha geologiialyq barlaýǵa shamamen 174,0 mlrd teńge investitsiia quiyldy. Jekelep aitqanda 2020 jyly – 95,0 mlrd teńge, al 2021 jyly – 79 mlrd teńgeni quraidy», - dedi Ashat Hasenov QR Parlamenti Májilisinde ótken geologiia salasyn damytý taqyrybyna arnalǵan dóńgelek ústel barysynda.
Vitse-ministrdiń aitýynsha, geologiialyq barlaýǵa investitsiia tartý úshin jer qoinaýyn paidalaný quqyǵyn berýge arnalǵan aýktsion ótip turady.
«Aýktsion tolyq avtomattandyrylǵan jáne elektrondyq alań arqyly áleýetti investorlardyń qatysýymen ótedi. Biyl 21 sáýirde bizdiń ministrlik kómirsýtekter boiynsha jer qoinaýyn paidalaný quqyǵyn berýge kezekti 40 aýktsion jariialady. Barlyq usynylǵan jer qoinaýy ýchaskeleri boiynsha jiyntyq soma 2,9 mlrd teńgeni qurap otyr», - deidi ol.
Odan bólek ministr orynbasary biyl 22 shildede taǵy aýktsion ótetinin aitty.
