Boljam boiynsha, elimizde 3500 koronavirýs dertin juqtyrǵan naýqas bolsa, onyń 5%-ynyń ǵana jaǵdaiy kúrdeli bolýy múmkin. Bul týraly eldegi koronavirýs infektsiiasy jaǵdaiy jaily onlain brifingte aityldy, dep habarlaidy QazAqparat.
«Biz monitoring jasap otyrmyz. Qazirgi kúnde 3000-ǵa jýyq apparat bar. Ol jedel járdem kólikterinde, aýdandyq aýrýhanalarda jáne úlken meditsinalyq uiymdarda jetkilikti deńgeide bar. Bul - tez tozatyn jabdyq, sol sebepti el boiynsha qajettilik bar. Jyldyń basynda el boiynsha 927 apparat bolǵan, biraq qazirgi jaǵdaida infektsiialyq aýrýhanalarǵa 167 apparat qoiylǵan. Qazir basqa aýrýhanalardan 70 apparat jetkizýge daiyn otyrmyz» , - deidi QR Densaýlyq saqtaý ministri Eljan Birtanov.
Ol bul apparatty satyp alý qajet ekenin aitty.
«Dúnie júzinde osyndai másele kóterildi. Ótken aptada QR Densaýlyq saqtaý ministrligi 270 apparat satyp alý boiynsha tender ótkizip, kelisimshartqa qol qoidy. Ol apparat sáýir aiynda keledi. Sonymen barlyq infektsiialyq jáne basqa da aýrýhanalarda bul apparat jetkilikti bolady. Osyǵan qosymsha otandyq mobildik 180 apparat keledi. Demeýshiler kómektesip, bizge berip jatyr. Qazirgi ýaqytta keibir otandyq óndirýshiler tótenshe jaǵdaiǵa bailanysty bizge kómek kórsetip, óndirisin tezdetip kóbeitip jatyr. Boljam boiynsha, 3500 koronavirýs dertin juqtyrǵan naýqas bolsa, onyń 5%-ynyń ǵana jaǵdaiy kúrdeli bolýy múmkin. Osy naýqastarǵa qajetti apparat sany jetkilikti», - deidi ol.
