30 mamyr kúni elordada SAP forým dep atalatyn biznes-konferentsiia ótti. Atalǵan basqosýda innovatsiialyq tájiribeler men tsifrlyq transformatsiianyń biznestegi jáne memlekettegi jańa tehnologiialary týraly baiandaldy. Oǵan otandyq jáne sheteldik ekspertter qatysyp, tsifrlandyrý týraly oilaryn ortaǵa salǵan bolatyn. Sondai-aq, qazaqstandyq alpaýyt kompaniialardyń basshylary kelip, óz kompaniialarynda tsifrlandyrýdyń qalai júrip jatqanyn aityp berdi. Osy forýmda SAP kompaniiasynyń TMD elderi boiynsha direktory Ilia Iýrevpen áńgimelesýdiń sáti tústi.
- Mendegi aqparat boiynsha siz SAP kompaniiasynyń TMD memleketteri jóninen basqarýshy direktorysyz?
- Iá, SAP-diń TMD elderi boiynsha tóraǵasymyn!
- Sizden Qazaqstandaǵy jáne TMD-daǵy tsifrlandyrý protsesi týraly surasam degen edim. Qazirgi tańda osy memleketterde tsifrlandyrý protsesi qalai júrýde?
- Búginde biz kóptegen memleketterde tsifrlandyrýǵa qatysty qyzyǵýshylyq bildirip otyrmyz. Sáikesinshe, bir memleket muny qoldasa, ekinshisi qoldaimaidy. Iaǵni, qoldaýshylyq deńgeii ártúrli. Al, Qazaqstan tsifrlandyrýǵa basym baǵyt bergen kóshbasshy memleketterdiń biri.
- TMD memleketterindegi halyq tsifrlandyrýdyń mańyzy men paidasyn bile me?
- Óte qiyn jáne qarapaiym suraq! Tsifrlandyrýdyń paidasy mindetti túrde bar. Siz ben biz turmystyq ómirde jańa tehnologiialardy qoldanamyz. Tsifrlyq tehnologiialardyń beretin paidasy túrlerine qarai kópqyrly bolyp keledi. Bizdiń qazirgi tańdaǵy basty mindetterimizdiń biri – atalǵan memleketterge tsifrlyq tehnologiialardyń san túrlerin jasap, onyń jergilikti halyqqa paidasyn túsindirý. Biz jasaǵan jańa tehnologiialarymyzdy aldymen tanystyramyz. Bir kórgennen taýardy almaýy múmkin, degenmen – kúnnen soń kelip satyp alyp jatady. Iaǵni, birtindep paidasyn túsinýde.
- Nelikten damyǵan elderdiń barlyǵy tsifrlandyrýǵa basymdyq beredi? Ne úshin trendte bolǵysy keledi?
- Meniń oiymsha, álemdegi kez kelgen memlekettiń ekonomikasyna tsifrlandyrý men avtomattandyrý mindetti túrde áser etedi. Sondai-aq, eldiń básekege qabiletti bolýyna da jaǵdai jasaidy.
- Osyndai tiimdilikterin bilgendikten de damyǵan jáne damýshy elder tsifrlandyrýǵa umtylady ǵoi?
- Iá, ekonomikalyq ósim, áleýmettik jaǵdaidyń jaqsarýy barlyǵy tehnologiialarǵa bailanysty. Qazirgi tańda barlyq damyǵan elder tsifrlyq tehnologiialardyń asa joǵary baǵalaidy. Damýshy elder de alǵa jyljý úshin mundai tehnologiialardy qoldanady. Bir ǵana mysal keltire keteiin, Afrika damýdyń evoliýtsiialyq jolyn tańdap jatqan kezde, búkil Eýropa elderi aqparattyq tehnologiialardy tańdady. Sondyqtan, ózderińiz biletindei búginde Eýropaǵa tsifrlandyrý tolyqtai endi. Tsifrlyq tehnologiialar atalǵan memleketterge ýaqyt pen resýrsty únemdeýge kóp kómek jasaýda.
- Tsifrlyq tehnologiialar biznestiń damýyna qalai áser etedi?
- Meniń oiymsha, bizneste jańa tehnologiialardyń bolýy shyǵyndardy azaityp, eńbek ónimdiligin arttyrady. Kásiporyndarda adam isteitin isterdi mashinalar jasap, óz tiimdilikterin kórsetedi. Biznesti basqarý menedjmentine de aitarlyqtai úles qosyp, sheshim qabydaýǵa oń áserin tigizedi. Sondai-aq, «Úlken derekter» bolmasa logistika salasy, óndiris oryndary artta qalyp, toqyraýǵa ushyraidy.
- Qazaqstandaǵy tsifrlandyrý protsesin qalai baǵalaisyz? Damý keleshegin qalai kóresiz?
- Meniń paiymymsha, Qazaqstan tsifrlandyrýdy memlekettik turǵydan qoldaityn kóshbasshy elderdiń biri. Iaǵni, kez kelgen salada keńinen qoldanýǵa umtylyp jatyr. Buǵan qatysty «Tsifrlyq Qazaqstan» atty baǵdarlamasy bar. TMD elderiniń ishinde Qazaqstan men Resei Federatsiiasy tsifrlandyrý protsesine basymdyq berýde. Taǵy da aita keterlik jait, tsifrlandyrý 1 jylǵa ǵana sozylmaidy, ol birneshe ǵasyrlardy qamtyp, jańa tehnologiialar biriniń ornyn biri almastyryp otyra beredi.
- Sońǵy suraq, eń qyzyqty desek te bolady. Siz qalai AT salasyna keldińiz? Qandai oqiǵa áser etti?
- Iá, shynymen óte qyzyqty saýal. Men eńbek jolymdy jýrnalist retinde bastaǵanmyn. Sodan birneshe jyldar buryn telejýrnalistika tsifrlandyrýǵa ótti. Odan keiin, internet basylymdar da paida bola bastady. Sol kezde qyzmet etetin kompaniiamda men internet mediany basqardym. Osylai AT-salasyna endim dese de bolady.
Suhbattasqan Nazerke Erkinqyzy
