Foto: Mádeniet jáne aqparat ministrligi
Biyl qazaqtyń kórnekti kompozitory, dirijer Nurǵisa Tilendievtiń týǵanyna 100 jyl tolady, dep habarlaidy Ult.kz.
2023 jyly Ázerbaijanda ótken TÚRKSOI-ǵa múshe memleketterdiń mádeniet ministrleri Turaqty keńesiniń 40-shy otyrysynyń qorytyndysy boiynsha, 2025 jyl uly kompozitordyń 100 jyldyq mereitoiyna orai TÚRKSOI uiymy aiasynda Nurǵisa Tilendievti eske alý jyly bolyp jariialandy.
Qazaqstanda jáne shet elderde kompozitordyń ómiri men shyǵarmashylyǵyna arnalǵan estelik is-sharalar ótýde.
Nurǵisa Tilendievtiń 100 jyldyǵy Túrkiiada da atap ótildi. Ankarada TÚRKSOI uiymy aiasynda eske alý jylynyń ashylý saltanaty ótti. Túrki áleminiń kórnekti qairatkerine arnalǵan is-shara barysynda Nurǵisa Tilendievtiń shyǵarmalary oryndalyp, onyń ómiri men shyǵarmashylyǵy týraly kórme qoiylyp, qysqametrajdy film usynyldy.
QR Ulttyq kitaphanasynda da Nurǵisa Tilendievti eske alý keshi ótti. Is-sharaǵa kompozitordyń qyzy, N.Tilendiev atyndaǵy «Otyrar sazy» Memlekettik akademiialyq folklorlyq-etnografiialyq orkestriniń kórkemdik jetekshisi jáne bas dirijeri Dinara Tilendieva, sondai-aq konservatoriia, mýzykalyq kolledj stýdentteri men mektep oqýshylary, kitaphana oqyrmandary men kesh qonaqtary qatysty.
Kezdesýde «Otyrar sazy» orkestri Nurǵisa Tilendievtiń shyǵarmalaryn oryndady. Sondai-aq, «Dáýir úni – Nur-aǵa» kitap kórmesi uiymdastyrylyp, kitaphananyń úlken zalynda kompozitordyń memorialdyq mýzeiiniń ekspozitsiiasy usynyldy. Kórmege Nurǵisa Tilendievtiń fotosýretteri, marapattary, «Bolmasyn soǵys, bolmasyn!» týyndysynyń notasy, jeke dombyrasy jáne basqa da qundy dúnieleri qoiyldy.
Qazaqtyń kórnekti kompozitorynyń 100 jyldyǵyna arnalǵan is-sharalar jyl boiy atap ótiledi.
